Юрый Глушакоў, першы заступнік старшыні БПЗ, жыхар Гомеля, у каментары для парталу tut.byвыказаў сваю думку наконт прычынаў Кастрычніцкай рэвалюцыі і яе ролі для беларускага грамадства.
Юрый Глушакоў: “У кастрычніку 1917 года Гомель быў найбуйнейшай прыфрантавой базай Заходняга фронту, і менавіта салдаты , незадаволеныя вайной, сталі тут ударнай сілай рэвалюцыі .
Мясцовыя рабочыя, якія стаміліся ад жабрацкіх заробкаў і эканамічнай разрухі, у асноўным таксама выступілі на баку бальшавікоў і левых эсэраў , якія ўзялі ўладу пад лозунгамі сацыяльнай справядлівасці і свету. Сяляне, якія пакутавалі ад малазямелля і той жа вайны, прагнулі справядлівага размеркавання зямлі магнатаў - памешчыкаў , большасць з якіх, дарэчы, тут складалі палякі.
Сёння модна ачарняць сацыялістычнае мінулае, ацэньваць яго з пагардай , наважваючы ярлык " саўка " . Вядома, і той лад, як , зрэшты, і кожны, ня быў ідэальным. У многіх сферах грамадскага жыцця былі негатыўныя з'явы, якія патрабавалі пераменаў і ў прынцыпе іншых падыходаў .
Але давайце не будзем забываць аб тым, што абсалютная большасць сучасных прадпрыемстваў Гомеля і бальніц , школы, паліклінікі, вышэйшыя навучальныя ўстановы, тэатры і бібліятэкі - усё гэта было пабудавана менавіта ў савецкі перыяд .
Можна па- рознаму ставіцца да мадэлі сацыялістычнай дзяржавы, сфармаванай ў 1917 годзе, але не будзь яе - не было б і нашай вялікай перамогі ў маі 1945 –га” .