11-13 лістапада ў Брусэлі прайшоў з’езд Еўрапейскай Партыі Зялёных (EGP), удзельнікам якой з’яўляецца БПЗ. На кангрэсе ў Брусэлі беларускіх Зялёных прадстаўляў старшыня партыі Алег Новікаў.

Галоўнай тэмай збораў EGP былі прызначаныя на наступную вясну выбары Еўрапарламенту. Еўразялёныя прапанавалі самую дэмакратычную сярод іншых еўрапейскіх партый формулу выбараў лідэраў спісу. Кожны грамадзянін ЕС можа праз Інтэрнет прыняць удзел у праймерыз – галасваннне наконт кандыдатур, якія жадаюць узначалісць спіс EGP.

На месцы ў топе EGP цяпер прэтэндуюць вядомы французскі антыглабаліст Жозе Бовэ, італьянскі эколаг Моніка Фрассоні, праціўнік атамнай індустрыі з Германіі Рэбека Хармс і лідар Федэрацыі маладых Зялёных Ска Келлер.