Як вядома БПЗ прапанавала рэформу Чарнобыльскага Шляху. На пытанне выдання "Товарищ.online" - ці не позна пачынаць дыскусію аб фармаце Шляху, адказаў Дмітрый Кучук, намеснік старшыні Беларускай партыі "Зялёныя"

Дзмітрый Кучук адзначыў, што такую дыскусію пачынаць ніколі не позна: "Асноўны пасыл нашай прапановы – акцыя павінна быць больш экалагічнай, а ня апазіцыйнай".

Адкрыты ліст Беларускай Партыі Зялёных на адрас аргкамітэту Чарнобыльскага Шляху 2013

26-га красавіка ў Мінску пройдзе чарговы Чарнобыльскі Шлях (ЧШ).. Беларуская Партыя Зялёных (БПЗ) заклікае сваіх актывістаў далучыцца да акцыі, хоць раней партыя вырашыла не браць удзел у працы аргкамітэце мерапрыемства.

Такое рашэнне звязана з тым, што падрыхтоўчая работа па фарміраванні аргкамітэта і яго ідэалагічныя ўстаноўкі практычна такія ж як і ў ранейшыя гады. У сілу гэтага, хутчэй за ўсё, цяперашні Марш наўрад ці будзе кардынальна адрознівацца ад маніфестацый апошніх гадоў, мадэль якіх відавочна патрабуе карэкціроўкі.

25 красавіка ў кватэру сябра Цэнтральнага Савету  Беларускай партыі "Зялёныя" эколага і гісторыка Ўладзіміра Валодзіна ў Мінску спрабавалі патрапіць невядомыя, - піша агенцтва БЕЛаПАН.