Юрый Глушакоў, намеснік старшыні БПЗ, даслаў ліст пратэсту на адрас кіраўніцтва Турцыі. У лісце, адрасаванsv прам’ер-міністру Таіпу Эрдагану і прэзідэнту Абдуллаху Гюлю, адзначаецца занепакоенасць брутальнымі учынкамі турэцкіх сілавікоў.
Нагадаем, што у ноч на 2-ое чэрвеня паліцыя ўжыла газ і вадамёты супраць дэманстрантаў на стамбульскай плошчы Таксім, якія выступілі супраць знішчэння скверу на плошчы (на яго месцы плануецца пабудаваць нейкі гандлёвы цэнтр). Падчас разгону акцыі паліцыя параніла дзясяткі людзей. Каля 50 асобаў было арыштавана. Паводзіны улады выклікалі мітынгі і маніфестацыі ў іншых гарадах краіны, якія трываюць дасюль.
Прэм'ер-міністр Турцыі Тайіп Эрдаган прызнаў, што паліцыя здзейсніла памылку, выкарыстоўваючы газ супраць дэманстрантаў. Аднака кіраўнік турэцкага ўрада не лічыць патрэбным саступаць і настойвае на працягу праекта рэканструкцыі плошчы Таксім.
Зялёныя партыі з шматлікіх еўрапейскіх краін, у тым ліку з Беларусі, асудзілі антыэкалагічную і репрэсіўную палітыку Анкары. Яны патрабуюць прыпынення пераследу грамадзянскіх актывістаў, перагляду плану рэкантрукцыі плошчы Таксім, а таксама узбуджэння крымінальнай справы супраць паліцжскіх чыноўнікаў, якія арганізавалі хапун 2-га чэрвеня.