БПЗ прыядналася за заявы шэрагу экалагічных арганізацый з нагоды  гадавіны аварыі на АЭС у Фукусіме. Публікуем тэкст заявы.

11 сакавіка мы перажываем трагічную гадавіну Фукусимы. Але нашы перажыванні, на жаль, не абмяжоўваюцца ўспамінамі пра падзеі таго сакавіцкага дня, пра сотні бежанцаў і пацярпелых. Мы перажываем наступствы гэтай радыяцыйнай катастрофы сёння - адыёнукліды Фукусімы застаюцца небяспечнымі ў навакольным асяроддзі, працягваюць паступаць з аварыйнай зоны і будуць прадстаўляць пагрозу для здароўя яшчэ многіх пакаленняў людзей у Японіі і ва ўсім свеце.
 
У гэты дзень мы хочам нагадаць урадам Беларусі і Расіі аб страшных наступствах радыяцыйных катастроф, а таксама пра тое, што не бывае бяспечнай атамнай энергетыкі.
 
У гэты дзень мы хочам яшчэ раз сказаць НЕ будаўніцтву атамнай электрастанцыі ў Беларусі.
 
Фукусима яшчэ раз паказала, што:
 
Сучасная цывілізацыя, нават тэхнічна высокаразвітая, не можа справіцца з наступствамі цяжкіх аварый на АЭС. Такія аварыі працякаюць па сцэнары, які спецыялісты могуць прадбачыць, але не могуць кіраваць ім.

Фукусимская і Чарнобыльская катастрофы падобныя  па маштабах і будуць адчувальныя на працягу няпэўна доўгага перыяду часу. Фукусима прывяла нават да больш сур'ёзных наступстваў, паколькі выкіды радыяцыі, забруджванне акіяна і паветранай прасторы працягваюцца да гэтага часу.

Японія, адключыўшы ад сеткі усе свае рэактары пасля Фукусимской катастрофы, у траўні 2012 года, паказала, што можа адмовіцца ад атамнай энергіі, нягледзячы на тое, што яна складала каля 30% ад усёй яе электрагенерацыі
 
Мы вельмі занепакоеныя тым, што ўлады Беларусі і Расіі не зрабілі належных высноваў ні пасля Чарнобыля, ні пасля Фукусимы, і прыступілі да будаўніцтва атамнай электрастанцыі ў Астравецкім раёне Беларусі, ігнаруючы меркаванне жыхароў, паскоранымі тэмпамі, без ліцэнзіі, без архітэктурнага праекта, з парушэннем заканадаўства , тэхнічных нормаў, па эксперыментальным праектам, не рэалізаваным яшчэ нідзе ў свеце! Мы ўжо ведаем, да якой трагедыі можа прывесці падобная безадказнасць і патрабуем неадкладнага прыпынку будаўніцтва АЭС у Беларусі!
 
Мы за бяспечную аднаўляльную энергетыку, энергазберажэнне і энергаэфектыўнасць!
 
Прэс служба Беларускай Партыі Зялёных