8-га сакавіка адбылася скайп – размова паміж кіраўніцтвам БПЗ і лідарам баварскіх Зялёных Дітэрам Янечкам. Бакі распавялі пра актуальную сітуацыю ў сваіх краінах, пазнаёмілі суразмоўцаў з бліжэйшымі планамі сваіх партый, узнялі праблему слабасці дыялогу Зялёных з Усходняй і Заходняй Еўропы.
Галоўным практычным вынікам размовы стала рашэнне - пачаць больш актыўнае міжпартыйнае супрацоўніцтва паміж баварскімі і беларускімі эколагамі. Такія кантакты маглі б дапамагчы фармаваць адзіную зялёную палітычную павестку для ўсяго еўрапейскага кантыненту.
Адной з формай запланаванай кааперацыі можа быць удзел актывістаў БПЗ у кампаніі нямецкіх Зялёных падчас выбараў у Бундестаг ў жніўні-верасні гэтага году.
“Такая стажыроўка будзе вельмі карыснай для БПЗ, паколькі на пачатку 2014-га году Беларусь чакае кампанія па выбарах у мясцовыя саветы, у якой таксама збіраюцца прыняць удзел Зялёныя”.- мяркуе старшыня БПЗ Алег Новікаў.