Беларуская Партыя Зялёных (БПЗ) не выключае, што смерць каманданте Уга Чавеса можа быць звязаная з адмовай развіваць у краіне атамную энергетыку.

Смерць венесуэльскага лідара – безумоўна трагічная падзея для ўсіх людзей на Зямле, якія вераць у сацыяльны прагрэс і справядлівасць. З улікам такога маштабу постаці нябожчыка, а таксама таго якімі хуткімі тэмпамі развівалася хвароба, ня дзіўна, што гэта падзея  выклікала шмат канспіратыўных версій. Іх аўтары лічаць, што прэзідэнт Венесуэлы стаў ахвярай змовы. Такія тэорыі агучваліся нават на венесуэльскім урадавым ўзроўні. Галоўным чынам у якасці замоўніка называюцца амерыканскія спецслужбы.

Між тым трэба нагадаць, што Уго Чавес быў праціўнікам не толькі амерыканскага імперыялізму, аднак і развіцця ў сябе на радзіме атамнай індустрыі. Адразу пасля  трагедыі на Фукусіме ён парваў кантаркт з кампаніяй Газпром наконт будаўніцтва ў краіне АЭС.

«На дадзены момант я загадаў замарозіць планы па развіцці праграмы мірнага атама, - заявіў 16 сакавіка 2011-га году Чавес. “У мяне няма ніякіх сумненняў у тым, што гэта (падзеі ў Японіі) здольна моцна паўплываць на планы развіцця атамнай энергетыкі ў свеце», - дадаў ён.

Такі бескампрамісны і рашучы ўчынак аўтрытэтнага ў Трэцім свеце палітыка безумоўна нанёс сур’ёзны удар па пазіцыях атамных карпарацый і іх палітычнага лобі. Ня дзіўна, што ў чэрвені 2012-га году назад БПЗ палічыла неабходным  звярнуцца да венесуэльскага лідара з адкрытым лістом ,у якім папрасіла растлумачыць свайму саюзніку А.Лукашэнка ўсе рызыкі і негатывы, звязаныя з мірным атамам.

Таму на нашу думку кампетэнтныя службы і незалежныя журналісты, якія будуць спрабаваць дакапацца да прычын смерці Уга Чавеса (калі будуць падставы сапраўды лічыць яе штучнай) павінны абавязкова улічыць “атамны” след.

БПЗ таксама выражае спачуванне венесуэльскаму народу з прычыны смерці Уга Чавеса.

Прэс-служба Беларускай Партыі Зялёных