Гучны рэзананс ў грамадстве выклікала фраза А. Лукашэнка, якую ён сказаў 26-га лютага на нарадзе па дзейнасці Рады па развіцці прадпрымальніцтва ў Беларусі.
«Хачу падкрэсліць: калі хтосьці з бізнэменаў будзе фінансаваць «пятую калону» ці нейкім іншым спосабам аказваць негатыўны ўплыў на грамадства, то я буду лічыць, што яны ўключыліся ў палітычную барацьбу, у барацьбу супраць дзяржавы. А там — свае законы. Потым хай не крыўдзяцца такія бізнесмены»,- сказаў А. Лукашэнка.
Каментуе Дмітрый Кучук, намеснік старшыні БПЗ, які акрамя партыйнай працы займаецца бізнэсам у сферы перапрацоўкі смецця.
Дмітрый Кучук: “Я лічу, што часткай дзейнасці бізнесу ёсць сацыяльная адказнасць. І бізнесмены, якія плацяцяць падаткі і аб’ектыўна дапамагаюць росту ВУП, ствараюць працоўныя месцы, калі іх нешта не задавальняе, маюць права ісці на выбары або іншым спосабам удзельнічць у палітычных працэсах”.
“Я таксама хацеў бы звярнуць увагу на гісторыю кампаніі Трайпл, якая доўгі доўгі час была сярэдняй па памерах кампаніяй, пакуль па чуткам яе кіраўнік не пачаў асабіста адчыняць дзверы аднаму чалавеку, калі той выходзіў на лёд хакейнай пляцоўкі. Дзякуючы пратэкцыі кампанія узнялася, а ў народзе атрымала мянушку “ кашалёк прэзідэнта”, што напэўна і стала прычынай еўрапейскіх санкцый супраць фірмы. Магчыма нашам уладам трэба пачаць з сябе і з сваёй каманды, калі яна кажа пра тое, што палітыка і бізнэс маюць быць цалкам узаемна ізаляванымі сферамі”, – кажа прадпрымальнік.
Дмітрый Кучук таксама не верыць у тое, што сказаная Прэзідэнтам цытата нешта зменіць ў паводзінах бізнеменаў. Па яго словах “бізнэс даўно ўжо выпрацаваў імунітэт да пагроз”.