Выданне Белгазета папрасіла шэраг палітыкаў пракаментаваць асобныя пасажы прэс-канферэнцыі Аляксандра Лукашэнка 15 студзеня. Сярод апытаных быў і Юрый Глушакоў, намеснік старшыні БПЗ,

Журналісты папрасілі яго пракаментаваць наступные словы Лукашэнка:: "У маёй маленькай сям'і няма клопатаў з нагоды таго, што падарыць [на Новы год. - "Белгазета-online"]. Я ніколі, як кажа моладзь, не “заморачивался “на гэтай тэме. Малы прыйшоў, кажа: "Елку трэба ў хаце паставіць". - "Добра". Звычайна ставім штучную, але цяпер паставілі жывую елку".

Юрый Глушакоў". Сам я таксама жывыя (г.зн. "забітыя") елкі на Новы год не стаўлю, хоць і для мяне гэта вельмі важнае і вялікае свята. Калі сам прэзідэнт ялінку не паставіў - выдатна. Але зусім іншая справа - стаўленне да нашых лясоў, якое дэманструе дзяржава і бізнэс. У нас зараз усё набывае камерцыйны выгляд, ялінкі і іншую каштоўную драўніну зусім не берагуць. Зусім нядаўна былі выяўлены факты некарэктнай высечкі лясоў у Кастрычніцкім раёне Гомельскай вобласці. Берагчы ялінкі ў краіне - справа не толькі прэзідэнта, але і наогул усіх, аж да школьнікаў”.

Прэс-служба Беларускай Партыі Зялёных