Журналісты за экалагічны дабрабыт

Падведзеныя вынікі конкурсу «Журналісты за экалагічны дабрабыт», сябрам журы якога быў старшыня БПЗ Алег Новікаў

Конкурс – яго арганізатар Беларуская Асацыяцыя Журналістаў (БАЖ,  быў  абвешчаны ўвесну 2012 года.  Задача праекту - вызначыць  лепшую публікацыю і фота-аўдыё-відэа рэпартаж, прысвечаны тэхнагеннаму ўздзеянню на навакольнае асяроддзе Беларусі.

У выніку журы конкурсу аднагалосна прызналі пераможцам Алену Садоўскую. Яна даслала на конкурс грунтоўнае экалагічнае даследаванне на тэму вынішчэння лесапалос уздоўж дарог.

Алена Садоўская працуе аглядальнікам на інтэрнэт-партале “Дзікая прырода Беларусі”. Азнаёміцца з тэкстам «Зеленая «зачистка»: в Беларуси объявили войну лесополосам» можна па спасылках:

http://baj.by/be/node/12067

http://www.wildlife.by/node/16207

Сябра журы конкурсу, старшыня Беларускай партыі “Зялёныя” Алег Новікаў адзначыў тэкст Алены за грунтоўнасць і рознабаковы падыход. “Прадстаўленыя розныя меркаванні, сабрана шмат інфармацыі па тэме. У выніку чытач мае неабходную базу, каб зрабіць дакладныя высновы”, — гаворыць сябра журы.

 Пераможца конкурсу будзе ўганараваная на штогадовай сустрэчы філіяў ГА “БАЖ”, што адбудзецца на пачатку 2013 года.

Прэс-служба Беларускай Партыі Зялёныя