Намеснік старшыні беларускай партыі «Зялёныя» Юрый Глушакоў пракаментаваў выданню Белгазета хвалю птушыных смерцяў, якая захліснула рэспубліку

Нагадаем, што 30 лістапада стала вядома пра завяршэнне праверкі супрацоўнікамі аддзела па барацьбе з эканамічнымі злачынствамі райаддзела ўнутраных спраў Дзяржынскага раёна акалічнасцяў смерці 8,3 тыс. бройлерных курэй на агракамбінаце «Дзяржынскі» 13 верасня 2012г.

Кампетэнтнымі органамі было ўсталявана, што ў той дзень «выйшла з ладу адна з электронных плат шафы кіравання, а потым адключыўся кантролер сістэмы кіравання.: тэмпература павялічылася, перавысіла максімальна дапушчальную, і 8300 курачак проста задыхнуліся». Пакуль ішло расследаванне, 19 лістапада ў іншым цэху агракамбіната «Дзяржынскі» ў выніку пажару загінулі 40 тыс. курэй”.

Юрый Глушакоў:- Безумоўна, адбылася трагедыя: мы маем смерць жывых істот, траўмы абслуговага персанала. Такія трагедыі заканамерныя для практыкі паточнай вытворчасці, якую намагаюцца прыжыць ў Беларусі. Гэта практыка ўласцівая капіталістычнай вытворчасці: глабальныя карпарацыі ў пагоні за прыбыткам не схільныя лічыцца ні з жывымі істотамі (бройлерныя куры і кураняты, безумоўна, імі з'яўляюцца), ні з здароўем людзей, якія спажываюць напампаваную стымулюючымі рэчывамі і антыбіётыкамі прадукцыю.

У Заходняй Еўропе існуе рух мэтанакіраванага байкатавання прадукцыі тых ці іншых кампаній - нажаль, гэтыя спосабы дагэтуль сітуацыю не пераламалі. Нейкімі мінімалісцкімі метадамі, вядома, трэба працягваць спрабаваць звярнуць увагу грамадскасці на гэтыя праблемы. Але для рашучай адмовы ад такога здзекавання над птушкай і чалавекам неабходны глабальныя змены: адмова ад сістэмы, арыентаванай на прыбытак; стварэнне такога спосабу вытворчасці, дзе ў аснове будуць стаяць чалавек і прырода. Такім чынам неабходзен экалагічны сацыялізм.

Чалавечае грамадства на дадзены момант функцыянуе як раз па ўзоры агракамбіната. Дзякуючы маніпулятыўным тэхналогіям, у т.ч. з боку СМІ, мы не заўважаем гэтага, а на справе мы - тыя ж бройлеры. Толькі ў нас замест цесных адсекаў, у якіх туляцца куры, у нас офісы і гіпермаркеты. Ланцужок «праца - гіпермаркет - спажыванне набытага тавара» і ёсць сапраўдная бройлерная фабрыка. У дадзеным выпадку я, як казаў Антоніа Грамши [заснавальнік і кіраўнік Італьянскай кампартыі, тэарэтык марксізму. - «Белгазета»], маючы песімізм розуму, захоўваю аптымізм волі. Доўга працягвацца ўсё гэта не можа: глабальныя праблемы абвастраюцца, прымушаючы людзей думаць і шукаць альтэрнатывы”.

Прэс-служба Беларускай Партыі Зялёныя