Гомельская арганізацыя Беларускай Партыі Зялёных правяла улёткавую кампанію з заклікам не набываць на Новы год натуральныя ялінкі.

22 снежня ў цэнтры Гомелю эколагамі было распаўсюджаны ўлёткі, у якіх яны павіншавалі ўсіх з новым годам, а таксама заклікалі - не набываць на Новы год натуральныя елкі, аддаючы прыярытэт штучным.

Варта нагадаць, што Зялёныя ва ўсім свеце традыцыйна выступаюць супраць продажаў натуральных елак. Такім чынам, па меркаванні Зялёных можна лепш абараніць лясны фонд. Акрамя таго масавы попыт перад Новым годам на дрэвы спараджае праблемы іх незаконнай высечкі і ўтылізацыі пасля свят.  Нарэшце такая традыцыя таксама спрыяе выпрацоўкі ў насельніцтва, у тым ліку дзяцей неэкалагічнай свядомасці. 

Нажаль, дзяржава хутчэй стымулюе такі неэтычны падыход. Так  на днях Мінлясгасам было прынята рашэнне пра тое, што беларусы змогуць самастойна секчы для сябе навагодняе дрэва ў лесе на законных падставах, выплаціўшы нейкую таксу.

Адной з  мэт акцый, як заўважыў яе ініцыятар Пётр Філон, «было жаданне выклікаць усмешку мінакоў і падарыць прыемную эмоцыю жыхарам горада напярэдадні свят, а таксама проста пажадаць ім шчасця".

Гомельскія Зялёныя спадзяюцца на  тое, што гамяльчане пачуюць іх заклік.

Прэс-служба Беларускай Партыі Зялёных