7 лістапада ў Гомелі актывістамі Гомельскай арганізацыі БПЗ і Аргкамітэта Беларускага сацыяльнага руху "РАЗАМ!" была распаўсюджана ўлётка наступнага зместу:
7 лістапада 1917 году адбылася Кастрычніцкая рэвалюцыя. Сёння продажныя СМІ і розныя псеўданавукоўцы выліваюць тоны бруду на гэту гістарычную падзею, якое мела глабальнае значэнне. Перакручваючы факты, спрабуюць даказаць, што Кастрычніцкая рэвалюцыя <<загубіла>> краіну, не дала ёй далей <<квітнець>>. А ці быў гэты міфічны <<росквіт>>? 80 % непісьменнага насельніцтва, кожнае другое дзіця не дажывала да 5 гадоў, сярэдняя працягласць жыцця- 34 гады, 10-12- часавы працоўны дзень, неміласэрная эксплуатацыя. (…) Толькі рэвалюцыя і народныя Саветы выратавалі краіну аднацыянальнай катастрофы.
Чаму ж так модна стала ачарняць наша нядаўняе мінулае? Проста сёння ўсё зноў прыбралі да рук алігархі і карупцыянеры, і па іх сацыяльнай замове людзям, як ніколі, прамываюць мазгі і маніпулююць іх свядомасцю. Таму што <<рынкавы>> ліберальны праект праваліўся.Расія, Украіна, Беларусь і іншыя рэспублікі былога СССР цяпер у лоб сутыкнуліся з рэаліямі сапраўднага, а не разрэкламаванага капіталізму. Сёння мы ўсё ўжо не па чутках, а на ўласным вопыце ведаем, што такое нястрымны рост коштаў і абясцэньванне нашых заробкаў, што такое падвышэнне <<камуналкі>> і беспрацоўе, платнае лячэнне і адукацыя, кантракты і юрыдычнае бяспраўе на працоўных месцах.
Сапраўднае рашэнне ўсіх гэтых праблем ёсць толькі адно - адраджэнне нашай краіны на аснове сацыялістычных прынцыпаў. З улікам памылак мінулага новы сацыялізм XXI стагоддзі будзе грунтавацца на грамадскім самакіраванні, экалагічнасці і гуманізме.Збалансаваны кантроль грамадства, сапраўднае навуковае абгрунтаванне стартэгій эканамічнага развіцця непазбежна забяспечаць эфектыўнасць і росквіт, абарону і сацыяльную справядлівасць для ўсіх!
З Кастрычніцкімі святамі Вас, дарагія грамадзяне!