17-га кастрычніка ў Брусэлі адбылася сустрэча прадстаўнікоў 11-ці беларускіх партый і рухаў.
Удзельнік абмяняліся думкамі наконт цяперашняй сітуацыі і фармату адносін ЕС – Беларусь.
Напрыканцы канферэнцыі удзельнікі была падпісаная сумесная заява т.з. брусельская дэкларацыя, у якім аўтары заклікаюць Еўрасаюз прыкласці максімум высілкаў для дэмакратызацыі Беларусі -“надаць беларусам права самім вырашаць свой лёс”, і перш за ўсё дапамагчы вызваліць палітвязняў.
Сярод падпісантаў Дэкларацыі прадстаўнік БПЗ Алег Новікаў.
Каментар Алега Новікава: сустрэчу ў Брусэлі можна лічыць паспяховай у тым сэнсу, што быў прадэманстраваны кансэнсус усіх дэмсіалў адносна праблемы палітвязняў.
На маю думку можна лічыць пазітыўным і той факт, што большасць удзельнікаў самакрытычна паставіліся да вынікаў нядаўняй парламенцкай кампаніі. Не гледзячы на стратэгічную паразу ўлады, якая ўпершыню аказалася не здольнай мабілізаваць электарат, яны прызналі, што байкот меў пасіўны характар. Ці значыць гэта тое, што мы сутыкнуліся з негатыўным феноменам татальнай дэпалітызацыі супольнасці, вынікам якой можа стаць эрозія грамадзянскай свядомасці? Агучаны на сустрэчы заклік - вывучыць сацыльную гэту з’яву, на маю думку, быў станоўчым вынікам сустрэчы.
Да адмоўных вынікаў можна аднесці нежаданне шмат каго з прысутных адмовіцца ад былых, сфармаваных яшчэ нават ў 90-ыя гады падыходаў. У гэтым плане канферэнцыя, на маю думку, стала дэманстрацыяй дэфіцыту палітычнай волі кіраўнікоў шэрагу палітычных структур”.