Эксперт у вобласці экалагічнага права, сябра цэнтральнага савету БПЗ Рыгор Фёдараў пракаментаваў выданню Naviny.by намер мінскіх уладаў змяніць правілы грамадскіх абмеркаванняў новых будаўнічых аб’ектаў.
Улады Менска жадаюць памяняць парадак правядзення грамадскіх абмеркаванняў праектаў забудовы. На думку службоўцаў, сустрэчы з насельніцтвам часта носяць непрадуктыўны характар і кожны раз суправаджаюцца крыкамі і абразамі.
Як мяркуе старшыня камітэта архітэктуры і горадабудаўніцтва Мінгарвыканкама Аляксандр Пятроў, любое грамадскае абмеркаванне павінна разглядаць адпаведнасць ці неадпаведнасць горадабудаўнічага праекта дзейсным заканадаўчым актам, а эмацыйнае стаўленне "жадаю ці не жадаю" павінна быць вынесена за рамкі абмеркавання.
Пазіцыя Рыгора Фёдарава: "Грамадзяне не абавязаны знаходзіць у праекце парушэння заканадаўства з боку аўтара праекту. Той, хто разрабіў праект, сам абавязаны трымацца нормаў заканадаўствы. А грамадзяне павінны выказваць сваё меркаванне адносна таго ці іншага праекта як непрафесіяналы. Рабіць жа з іх яшчэ адзін кантралявальны орган - гэта дурное".
Да таго ж, сама працэдура правядзення грамадскіх абмеркаванняў, якая склалася на практыкі, выклікае ў эколага занепакоенасць.
"Чаму кожны раз пры правядзенні грамадскіх абмеркаванняў службоўцы выступаюць не як арганізатары працэсу, г.зн. іншыя суб'екты, а на боку забудоўшчыка?" - задаецца пытаннем Рыгор Фёдараў. "Мабыць, праводзячы грамадскія абмеркаванні, яны пераследваюць свае карысныя мэты", - робіць выснову эксперт.