На офіс БПЗ, нарэшце, прыйшлі афіцыйныя адказы, т.зв. вызначэнні, суда Першамайскага (суддзя - О.М. Багам'я) і Фрунзенскага раёнаў (суддзя - С.Э. Місуна) Мінска на нашу скаргу на рашэнне адміністрацый вышэйпаказаных раёнаў аб фармаванні ўчастковых выбарчых камісій.
Нагадаем, што з ... 20 прадстаўнікоў БПЗ ... ні адзін член нашай партыі не быў уключаны ў склад участковых камісій. Варта заўважыць, што ўчастковыя камісіі наогул-та павінны фармаваць не адміністрацыі, а акруговыя, г.зн. вышэйстаячыя, камісіі, якія і павінны займацца арганізацыяй і кантролем за ходам выбараў у сваёй акрузе. А адміністрацыі раёнаў павінны забяспечыць няспынную працу і падтрымку акруговым камісіям. Што, дарэчы, па вопыту БПЗ робіцца не ў поўным аб'ёме і не дастаткова.
Але вернемся да асноўнага пытання:
Суды абедзвюх раёнаў, як, у прынцыпе, і трэба было чакаць не проста не адмянілі рашэнні адміністрацый, але і адмовілі ва ўзбуджэнні грамадзянскай (т.е ўсё ж такі не крымінальнай) справы па скарзе.
Парадаксальнай і смешнай а таксама здзеклівай нават для не юрыдычна падкаваных грамадзян з'яўляецца сама аргументацыя адмовы. Законы, Выбарчы кодэкс, аказваецца, па-свойму могуць інтэрпрэтаваць не толькі Цэнтрвыбаркам, акруговыя камісіі, але і ... суд. У вызначэннях асноўнай прычынай адмовы было тое, што БПЗ парушыла устаноўленыя тэрміны абскарджання рашэнняў органаў, якія ўтварылі камісіі. Гэта значыць, у трохдзённы тэрмін.
Але, як мы ўжо паведамлялі ў нашым паведамленні «З суду ні адказу, ні прывітання ці амнезія ў судовай сістэме Беларусі!?» ад 2012/08/27 г. (http://belgreens.org/2012/08/1441), скаргі ад БПЗ у вышэйзгаданых судах раёнаў ... не хацелі прымаць. Бо у нашага прадстаўніка ... “няма пры сабе адпаведнага дакумента, які пацвярджае Ваша права падаць скаргу”. Таму неабходныя дакументы былі адпраўленыя заказным лістом своечасова. У доказ гэтаму ёсць адпаведная квітанцыя/чэк аплаты аказанай паслугі РУП «Белпошта».
Таксама варта адзначыць, што ў вызначэннях ні слова не было сказана наконт таго, чаму прадстаўнік БПЗ не быў запрошаны на пасяджэнне суда, на якім прымалася адпаведнае рашэнне. Такім чынам, было парушана яшчэ адно права грамадзяніна і нашай партыі. Акрамя таго, вельмі смешным выглядае вусны адказ з суда на наша пытанне, чаму вызначэння суда датаваны 14 жніўня і 16 жніўня адпаведна, а атрымалі мы яго толькі ... 29 жніўня. Гэта значыць, лісты па г. Мінску даходзяць 2 тыдні? На што мы атрымалі наступны адказ: «Вас, відаць, не было дома».
БПЗ з усёй адказнасцю заяўляе, што Зялёныя - былі, ёсць і будуць дома, а таксама заклікаем грамадзян і суддзяў О.М. Багам'я і С.Э. Місуна больш адказна, аператыўна і па законе, г.зн. не парушаючы і выконваючы правы грамадзян, палітычных партый і грамадскіх аб'яднанняў, падыходзіць да сваіх абавязкаў.