26-31 жніўня ў Сербіі прайшоў летнік маладых зялёных Усходняй Еўропы, у якім прынялі ўдзел прадстаўнікі БПЗ.
На самой справе летнік пад назвай Greenpass ( Зялёны пропуск) прадстаўляў трэнінг курс на тэму- як займацца папулярызацыяй мадэлі устойлівай гаспадакрі сярод маладых людзей з краін Усходняй Еўропы?
Пры гэтым трэнерамі на мерапрыемстве выступалі непаспрэдна яго ўдзельнікі. Методыку прапаганды экалагічнага вобразу жыцця зялёныя актывісты выпрацоўвалі разам на аснове асабістага вопыту, а таксама ў выніку калектыўных мазгавых штурмаў.
Адной з галоўных задач акцыі было сумесная распрацоўка канспекту падручніка пад назвай Зялёны пропуск. Метадычны дапаможнік “Зялёны пропуск” можа быць выкарыстаны эколагамі з рэгіёну Усходняй Еўропы для таго, каб пашыраць інтарэс маладых людзей да мадэлі устойлівага развіцця.
Ёсць надзея, што пасля адпаведнай рэдакцыі выпрацаваны на летніку ў Сербіі тэкст сапраўды стане асновай для такого дапаможніка.