Прадстаўнікі БПЗ былі запрошаны на афіцыйную сустрэчу з назіральнікамі місіі АБСЕ.
Міжнародных незалежных назіральнікаў цікавіла, безумоўна, у першую чаргу пытанне ўдзелу членаў БПЗ у кампаніі па назіранні за выбарамі дэпутатаў Палаты прадстаўнікоў Нацыянальнага сходу.
Члены БПЗ распавялі аб ходзе правядзення гэтай кампаніі, праблемах, цяжкасцях і дасягненнях. Назіральнікам ад АБСЕ была прадастаўлена поўная і праўдзівая інфармацыя аб фарміраванні акруговых і ўчастковых выбарчых камісіях, мэтах і задачах нацыянальнай кампаніі па назіранні за выбарамі, кандыдатах у дэпутаты, парушэннях выбарчага заканадаўства.
Назіральнікаў ад АБСЕ цікавіла таксама агульная сітуацыя, акцыі, дасягненні, мэты, задачы БПЗ на будучыню. Гэтай інфармацыяй прадстаўнікі нашай партыі таксама былі рады падзяліцца з міжнароднымі калегамі.
Абодва бакі дамовіліся і ў далейшым сустракацца, абменьвацца інфармацыяй. Прадстаўнікі місіі АБСЕ абяцалі паслаць назіральнікаў у выбарчыя ўчасткі і акруговыя камісіі, у якіх ёсць прадстаўнік БПЗ а таксама назіральнікі ад нашай партыі.
Члены камісій, бойцеся: за вамі назіраюць!!!