Такую заяву зрабіла дэпутатка Бундэстагу ад фракцыі зялёных Марылюіза Бэк у сувязі з дыскусіяй аб навучаньні беларускіх сілавікоў у ФРГ.

«У той час як нямецкая грамадскасьць ставіць пад сумнеў супрацоўніцтва паміж нямецкім і беларускім МУС, мы маем звесткі пра датычнасьць Інтэрполу да паказальнага працэсу над Уладзіславам Кавалёвым і Дмітрыем Канавалавым, якія былі расстраляныя, але згодна з прававымі крытэрамі з’яўляліся невінаватымі.

Так 12 мая 2011 генэральны сакратар Інтэрполу Рональд Кэнэт Ноўбл прыпыніў свой удзел на эўрапейскай рэгіянальнай канфэрэнцыі на Мальце дзеля таго, каб сустрэцца ў Мінску з тагачасным кіраўніком МУС Беларусі Анатолем Куляшовым. Гэты візыт быў звязаны з красавіцкім тэрактам у мінскім мэтро.

Калі на міжнародным узроўні на той час ужо існаваў кансэнсус адносна таго, што віна асуджаных( прызнанні з дапамогай катаванняў, працяглы судовы працэс без надзейных доказаў) пад сумневам, шэф Інтэрполу не знайшоў нічога лепшага як ухваліць гэтыя скандальныя ўчынкі. Ён таксама адзначыў „высокі прафэсіяналізм“ беларускіх следчых.

Смяротнае пакараньне Ўладзіслава Кавалёва і Дмітрыя Канавалава востра крытыкавалася самымі рознымі арганізацыямі ўключна з Саветам Эўропы..

Паводле Марылюізы Бэк, сёлета ў жніўні Інтэрпол таксама адзначыў, што ніколькі не сумняецца ў расследаваньні злачынства і ў тым, хто быў названы вінаватым.

Прэс-служба Беларускай Партыі Зялёных