Алег Новікаў, актывіст БПЗ, пракаментаваў для выдання "Таварыш.online" навіну пра намер Анатоля Ляўковіча стварыць Цэнтрысцкую Партыю.
Ініцыятары стварэння новай партыі, якія падтрымліваюць у парламенцкай кампаніі незалежнага кандыдата Анатоля Іосіфавіча Левковіча, лічаць, што ў сілах стварыць рэальную палітычную альтэрнатыву.
Па меркаванні прыхільнікаў Анатоля Ляўковіча, "зласлівая агрэсія, як іржа раз'ела знутры апазіцыйныя структуры. Сістэма гуляе з так званымі псеўда барацьбітамі, як сытая котка са сваёй ахвярай. Апазіцыя растранжырыла ліміт даверу грамадства. Час псезда апазіцыі мінуў".
Нагадаем, Анатоль Ляўковіч доўгі час знаходзіўся ў кіраўніцтве Беларускай сацыял-дэмакратычнай партыі (Грамада), з якой яго папрасілі пасля серыі скандальных інтэрв'ю ў газеце "СБ. Беларусь сегодня". На адным з Конгрэсаў дэмакратычных сіл ён назваў сябе "мамантам беларускай палітыкі".
Каментар Алега Новікава: "Цудоўная навіна, якія ласкае слых. Калі сёлета ўсёткі адбудзецца канец святу, то інфармацыя пра стварэнне цэнтрысцкай партыі, будзе кампенсацыяй для ўсіх нас.
Некаторыя праблемы праекта маюць чыста перыферыйны характар.
Напрыклад, дзівіць устойлівая эвалюцыя лідара айчынных "цэнтрыстаў" злева на права.
Як пажылы чалавек ён відавочна пабываў у шэрагах сапраўдных марксістаў-ленінцаў. Пасля чаго пайшоў направа пад дах эсдэкаў. Зараз адмыўся ад ружовага і падаўся ў цэнтравыя. Будзем спадзявацца, што трэнд на гэтым скончыцца. З іншага боку чыста з цікаўнасці падмывае ўбачыць марш штурмавікоў з арганізацыі "Нацыянальны авангард мамантаў"" ці штосьці накшталт гэтага.
Незразумела - як упісваецца партыя Цэнтра ў мадэль "котка - мышка" - прапанаваная Ляўковічам схема-метафара палітычнага працэсу ў Беларусі? Ці тое гэта будзе нейкая адмысловая мышка, ці то пацук, ці то яшчэ які то грызун? А можа партыя цэнтра жадае стаць "сродкам ежы для катоў кшталту “Віскас"? Гэты блок тэорыі трэба дапрацаваць.
Нарэшце дзіўна выглядае сам факт эвалюцыі для палітыка, які з гонарам заве сябе "мамант".
Як вядома маманты - тупіковая галіна эвалюцыі і для гісторыі цікавыя толькі добра захаваныя рэшткі. Таму замест таго, каб эвалюцыянаваць, "мамантам" было б лагічней добра захаваць сваё цела для будучых навукоўцаў. Лепшае выйсце не ствараць партыі, а проста замарозіцца ў халадзільніку".