Беларуская партыя "Зялёныя" (БПЗ) прыняла зварот да міжнароднай грамадскасці ў сувязі з арыштамі актывістаў антыядзернай кампаніі і падпісаннем генплана на будаўніцтва АЭС.

 "У Мінску 18-га ліпеня 2012 г. былі арыштаваны актывісты антыядзернай кампаніі (Беларуская партыя "Зялёныя" з'яўляецца адным з заснавальнікаў гэтай кампаніі), якія планавалі перадаць петыцыю супраць будаўніцтва АЭС у Беларусі прэм'ер-міністру Расійскай Федэрацыі Дмітрыю Мядзведзяву. Гэту петыцыю падпісала таксама Беларуская партыя "Зялёныя".

Прэм'ер-міністр Расіі прыбыў у Менск для падпісання генеральнага кантракту на будаўніцтва Беларускай АЭС. Невядомымі людзьмі ў цывільным былі затрыманы каардынатар антыядзернай кампаніі Таццяна Новікава і расійскі фізік Андрэй Ажароўскі.

Затым былі таксама затрыманы каардынатар маніторынгавай групы Цэнтра прававой трансфармацыі Міхаіл Мацкевіч і глава кіравання грамадскага аб'яднання "Экадом" Ірына Сухій. Ірына Сухій накіроўвалася ў расійскай пасольства з мэтай перадаць арыгінал петыцыі супраць будаўніцтва АЭС у Беларусі. Сп. Мацкевіч накіроўваўся ў РАУС Ленінскага раёна г. Мінска, дзе знаходзіліся раней затрыманыя экалагічныя актывісты Таццяна Новікава і Андрэй Ажароўскі.

У выніку Ірына Сухій па выдуманым абвінавачванні ў тым, што яна "лаялася нецэнзурнай лаянкай у грамадскім месцы" атрымала адміністрацыйны штраф у памеры 15 базавых велічынь, а сп. Мацкевіч быў асуджаны на 3 сутак.

Беларуская партыя "Зялёныя" асуджае затрыманне і арышт экалагічных актывістаў і заклікае сваіх міжнародных калегаў і міжнародную грамадскасць засудзіць падобныя дзеянні ўлад Рэспублікі Беларусь і заклікаць прыцягнуць вінаватых да адказнасці.

Партыя таксама заклікае замежных эколагаў  звярнуцца да кіраўніцтва Рэспублікі Беларусь і асабіста Лукашэнка, а таксама да кіраўніцтва Расійскай Федэрацыі ў асобе Ўладзіміра Пуціна і Дмітрыя Мядзведзява з заклікам - адмовіцца ад вар'яцкай ідэі будаўніцтва АЭС на тэрыторыі Рэспублікі Беларусь і ва ўсім Балтыйскім рэгіёне".

Прэс-служба Беларускай Партыі Зяленых