У Гомелі па ініцыятыве Зялёных адбыўся круглы стол на тэму "Альтэрнатыва эканамічнаму крызісу".

У сустрэчы прынялі ўдзел актывісты Беларускай партыі "Зялёныя", аргкамітэта Беларускага сацыялістычнага руху "Разам" і Беларускай партыі левых "Справядлівы свет".

Удзельнікі абмеркавалі асноўныя чыннікі эканамічнага крызісу ў Беларусі і ва ўсім свеце. На іх думку глабальны крызіс эканомікі выкліканы дыспрапорцыямі сучаснага эканамічнага развіцця, засіллем фінансавага спекулятыўнага капіталу над рэальным сектарам і крэдытнай сістэмай, якая нагадвае банальную "піраміду".

Выйсце з сітуацыі ўдзельнікі "круглага стала" бачаць у стварэнні прынцыпова новага эканамічнага парадку, заснаванага на  прынцыпах сацыяльнай справядлівасці і экалогіі.

Удзельнікі сустрэчы лічаць патрэбным правесці падобную канферэнцыю на нацыянальным узроўні з удзелам усіх беларускіх левых партый і рухаў.

Крыніца: прэс-служба Беларускай Партыі Зяленыя