9-га ліпеня ў Варшаве пачалася агульнаеўрапейская акцыя Зялёны аўтобус, у якой удзельнічае сябра БПЗ

Мэта акцыі – узмацніць пазіцыі антыатамнага і зялёнага руху ва Ўсходняй Еўропе і садзейнічаць развіццю еўрапейскай сеці праціўнікаў АЭС.

У рамках праекту на працягу тыдня у адным аўтобусе актывісты зялёных партый, эксперты ў вобласці экалогіі, лідары грамадзянскіх экалагічных ініцыятыў  розных краін праедуць з польскай сталіцы да Брусэлю, бяручы ўдзел у розных мерапрыемствах. Таксама яны сустрэнуцца з дэпутатамі парламентаў Польшчы і Германіі.

Фінальнай кропкай маршруту аўтобусу з’яўляецца Брусэль, дзе яго “пасажыры” абмяркуюць з прадстаўнікамі фракцыі зялёных у Еўрапарламенце перспектывы экалагічнага руху ва Усходняй Еўропе.

Пра падрабязнасці туру рэдакцыя сайта паінфармуе пазней.

Крыніца: прэс-служба Беларускай партыі Зялёных