Беларуская Партыя «Зялёныя» (БПЗ) звярнулася з адкрытым лістом да венесуэльскага прэзідэнта Уго Чавеса з просьбай пераканаць свайго саюзніка Аляксандра Лукашэнка адмовіцца ад праекта будаўніцтва АЭС,

У лісце гаворыцца, што БПЗ «з вялікім задавальненнем назірае за развіццём дружалюбных кантактаў Беларусі з Венесуэлай, якія, па словах Аляксандра Лукашэнка, за апошні час нават выйшлі на ўзровень агульнай ідэалогіі».

У сувязі з гэтым беларускія Зялёныя спадзяюцца, што адзінства поглядаў Минска і Каракаса распаўсюджваецца і на падыходы да праблемы атамнай энергетыкі. «Як вядома, пасля падзей на АЭС у Фукусиме Чавес у аднабаковым парадку разарваў кантракт з карпарацыяй «Росатом», якая абавязалася пабудаваць у Венесуэле атамную станцыю», — гаворыцца ў лісце.

«На дадзены момант я загадаў замарозіць планы па развіцці праграмы мірнага атама, — заявіў 16 сакавіка минулага году Чавес на сустрэчы з кітайскімі спонсарами. — У мяне няма ниякага сумневу ў тым, што гэта (падзеі ў Японіі) можа моцна паўплываць на планы развіцця атамнай энергетыкі ў свеце».

«Спадар Уго Чавес, калі ласка, растлумачыце свайму госцю матывы вашага рашэння, распавядзіце яму пра трагедыю на Фукусиме, пра бесперспектыўнасць ядзернай прамысловасці ў ХХІ павеку. Прымаючы да ўвагі ступень павагі да вас з боку спадара Лукашэнка, няма сумневаў, што ён прыслухаецца да вашых аргументаў. З улікам відавочнага непрымання вялікім сегментам беларускага грамадства праекта БелАЭС, ваш учынак і будзе сапраўды садзейнічаць умацаванню братэрскай сувязі паміж нашымі народамі», — гаворыцца ў лісце БПЗ.

Прэс-служба Беларускай партыи «Зялёныя»