Галоўная мэта кампаніі па назіранні за выбарамі «За справядлівыя выбары – 2012» – змяніць практыку правядзення «выбараў» і падліку галасоў, прыцягнуць увагу грамадства да праблемы фальсіфікацый і парушэнняў падчас кампаніі.

Плануецца прыцягнуць 1000 чалавек у якасці кандыдатаў у склад выбарчых камісій і 2000 назіральнікаў.

Ніхто не мае асаблівых ілюзіяў з нагоды сапраўды свабодных, справядлівых выбараў і сумленнага падліку галасоў. Таксама мала хто верыць, што кандыдаты ад дэмакратычных сіл змогуць выйграць выбары на сваіх акругах і т.ч. стаць «народнымі абраннікамі».

Беларуская партыя «Зялёныя» падтрымлівае актыўнае назіранне. Гэта яшчэ і магчымасць зразумець і прачуць выбарчы працэс знутры і такім чынам атрымаць каласальны вопыт удзелу ў выбарчай кампаніі і кампаніі па назіранні, у прыватнасці. А таксама стварэнне функцыяніруючай сістэмы назірання для наступных выбарчых кампаній

Запісацца ў назіральнікі і далучыцца да кампаніі па назіранні за выбарамі «За справядлівыя выбары – 2012» магчыма на сайце http://vybary.org/.

Беларуская партыя «Зялёныя» прымае актыўны ўдзел у кампаніі па назіранні за выбарамі «За справядлівыя выбары – 2012».

 

Прэс-служба Беларускай Партыі "Зялёныя"