Ханс-Хрысцян Штробеле, лідар фракцыі экалагічных фундаменталістаў у нямецкай партыі Зялёных, дэпутат Бундэстагу запатрабаваў аднавіць крымінальную справу па тэракту, які арганізавалі нацысты ў 1980-ым

Тэракт здарыўся ў верасні 1980 года на Мюнхенскім піўным фестывалі Актобэрфэт. 26 верасня 1980 года ў сметніцы каля грамадскай прыбіральні дэтанавала выбуховае прыстасаванне. У выніку тэракту загінула 13 і было паранена больш за 200 наведвальнікаў свята.

Па выніках афіцыйнага расследавання лічыцца, што неанацыст Келер — арганізатар выбуху — дзейнічаў адзін. Між тым, на днях у архівах спецслужб Усходняй Германіі знайшлі матэрыялы, прысвечаныя выбуху на Актобэрфэсце. Аказваецца, разведчыкі ГДР правялі нешта накшталт свайго расследавання і заключылі, што Келер не быў адзіночкай. На іх думку, за ім стаяла нейкая арганізацыя, а сляды замоўнікаў увогуле вядуць у Італію. Італія ў тыя часы перажывала бум правага і левага тэрору, за якім часта стаялі мясцовыя сілавікі.

Штробеле ўпэўнены ў тым, што арганізатары тэракту ў Мюнхене маглі быць звязаныя з групоўкай Нацыянал-сацыялістычны супраціў (NSU), якую паліцыя раскрыла ў мінулым годзе.

Прэс служба Беларускай Партыі Зялёных