Расейская экалагічная ініцыятыва - Грамадзянская Зяленая Альтэрнатыва (ГРОЗА) заклікала беларускіх калег падтрымаць петыцыйную кампанію супраць новага закона пра права на зборы у Расеі.

Асноўная мэта петыцыйнай кампаніі, адрасатам якой з’яўляецца Уладзімір Пуцін, дабіцца таго. каб прэзідэнт РФ наклаў вета на законапраект No. 70631-6 "Пра ўнясенне змен у Кодэкс Расійскай Федэрацыі пра адміністрацыйныя правапарушэнні" і ў Федэральны закон "Пра зборы, мітынгі, дэманстрацыі, шэсці і пікеты"

Законапраект, прыняты ніжней і верхней палатамі парламенту РФ,  усталёўвае беспрэцэндэнтна высокія штрафы за несанкцыянаваныя акцыі. Нягледзячы на тое, што "парушэнні падчас мітынгаў" застаюцца адміністрацыйным правапарушэннем, памер штрафу да 300 тысяч рублёў (дзесяць тысяч долараў ЗША) (для грамадзян) - у сутнасці з'яўляецца крымінальным пакараннем. Максімальны адміністрацыйны штраф цяпер складае 5 тысяч рублёў.

У дадатак у прапанаваным законапраекце паняцце парушэння тлумачыцца максімальна шырока - напрыклад: "арганізацыя публічнага мерапрыемства, які не мае прыкмет  масавага адначасовага знаходжання грамадзян у грамадскіх месцах". Падобныя "парушэнні" тысячы расійскіх грамадзян робяць штодня (чэргі, вяселлі, ускладанне кветак, выпускныя, проста сустрэчы сяброў на свежым паветры і шматлікае іншае). Паводле законапраекта яны таксама павінны быць аштрафаваны. Законапраект прапануе караць нават за публічныя заклікі ўдзельнічаць у такіх "знаходжаннях".

Як кажа лідар руху ГРОЗА, адзін з ініцыятараў кампаніі па саборы подпісаў Аляксей Казлоў: "Дадзены законапраект супярэчыць як Еўрапейскай Канвенцыі па Правах Чалавека, так і Еўрапейскай судовай і заканадаўчай практыцы. Накласці вета на гэты закон - апошняя магчымасць пазбегнуць прыняцці антыканстытуцыйнага і небяспечнага акту. Мы заклікаем ўсіх працягнуць збор подпісаў пад петыцыяй, паколькі свабода на зборы  гэта апошняе пакінутае ў Расіі палітычнае права".

Падпісацца супраць узмацнення паліцэйскай рэакцыі ў РФ можна тут.

Прэс-служба Беларускай Партыі Зяленых.