6 чэрвеня падчас перабывання ў Кіеве старшыня БПЗ Алег Новікаў прыяднаўся да абаронцаў сквотерскага праекту “Гостинний двір“.

“Гостинний двір” - былы гандлёвы комплекс на Контрактовым пляцы (на Падоле) у Кіеве, пабудаваны ў 1809 г. У апошні час будынак быў пусты. У мінулым годзе украінскі Кабмін, які складаецца з сяброў  алігархічнай Партыі Рэгіёнаў, выключыў Двір з спісу помніках архітэктуры, каб пабудаваць на яго месцы нейкі чарговы гандлевы комплекс з падземнай аўтастаянкай.

У адказ на такое рашэнне напрыканцы вясны унутраны двор комплексу быў захоплены групай альтэрнатыўнай і экалагічай моладзі. Яны абвясцілі тут стварэнне рэспублікі “Гостинний двір“. Зараз імі арганізавана дзяжурства 24 гадзіны на дзень, каб зону не захапілі будаўнікі і асобы спартовага выгляду. Акрамя таго тут  штодня праходзяць выставы, кінапаказы, канцэрты, лекцыі.

Асноўная мэта сквотэраў – павяртанне комплексу статусу архітэктурнага – гістарычнага помніка і стварэння тут грамадскага культурна-мастацкага цэнтру, карыстацца рэсурсамі якога можна бясплатна.  

“Тое, што адбываецца ў цэнтры Кіева  вельмі важная і для Беларусі, паколькі  у нас таксама адбываецца працэс камерыцыялізацыі публічнай  прасторы. Так у цэнтры Мінска фактычна не засталося ніводнага даступнага кафе. Таму поспех  поспех стваральнікаў рэспублікі Гостинний двір“ можа стаць імпульсам для пачатку дыскусіі наконт захавання публічнай прасторы на Беларусі і прыкладам для дзеяння”, - лічыць Алег Новікаў.

Прэс-служба Беларускай Партыі Зялёныя