Гаваі – першы штат у ЗША які цалкам забараніў пластыкавыя пакеты.  На сёняшні дзень у нашай краіне падобнае складана ўявіць.

Горад Ганалулу апошні горад са штату Гаваі які  адмовіўся ад пластыкавых пакетаў у гандлёвых кропках, бо такія гарады як Маўі ды Каўі ўжо маюць адмысловую забарону. А праз год, якраз калі законапраект па Ганалулу набудзе моц,  ў штаце Гаваі ужо не застанецца крамаў дзе выкарыстоўваюць пластыкавыя пакеты.

Мясцовыя актывісты задаволены сваімі дасягненнямі, але на гэтым не спыняюцца. Яны агітуюць да скарачэння колькасці папяровых торбаў і прапануюць выкарыстоўваць рэчы шматразовага выкарыстання, напрыклад, торбы з тканіны. Прадстаўнікі арганізацыі Surfrider, якія з'яўляюцца асноўным рухавікоў гэтых падзей, заўважаюць важнасць экалагічнай адукацыі спажыўцоў, бо без яе падобныя змены былі б немагчымымі.

На сёняшні дзень у нашай краіне падобнае складана ўявіць. Нам пакуль што далёка да ўвядзення такіх законапраектаў, бо на сёняшні дзень галоўнай праблемай з'яўляецца  свядомасць людзей. Калі ты адмаўляешся ад бясплатнага пластыкавага пакета ў сепермаркеце, то на цябе з вялікімі вачамі глядзяць касіры і выкрыкваюць табе ўслед непаразуменне: -Так бясплатна ж!

Нам неабходна сканцэнтраваць сваю ўвагу на промамерапрыемствах, скіраваных на папулярызацыю найноўшых экалагічных тэхналогій упакоўкі сярод насельніцтва і кіраўніцтва буйных гандлёвых сетак, ад апошніх, дарэчы, залежыць большасць у гэтай справе. Пасля наладжвання цыкла вытворчасці экалагічнай упакоўкі ў краіне, яе дыстрыб'юцыя і распаўсюджвання па крамах, можна прымаць і закон па ахове і падтрымцы такога кшталту крокаў сярод гандлёвых кропках. Бо інакш мы можам звонку падвысіць кошт прадуктаў з-за падвышэння кошту экалагічнай упакоўкі, якая пакуль пераважна імпатруецца.   

Нам застаецца толькі павіншаваць гавайскіх хлопцаў і дзяўчын і як мага хутчэй прыкласці намаганні да падобных зменаў на нашай тэрыторыі.

Прэс служба Беларускай Партыі Зялёных