Згадзіцеся, актуальнае свята падчас разгару сезона пала сухой травы ў Беларусі.

Дзякуючы Генеральнай асаамблеі ААН, мы з 1994 года маем такі святочны дзень, калі кожны з нас мусіць задумаца аб праблемах  існых форм камунікацыі ўсяго жывога і нежывога на нашай планеце.  Бо нягледзячы на дэклараванне крокаў па захаванню біяразнастайнасці з боку кожнага урада кожнай краіны свету, мы маем катастрафічныя паказчыкі па колькасці зніклых бяззваротна відаў птушак, жывёлаў, насякомых, марскіх насельнікаў
Апошнія, а менавіта прамысловыя віды рыб, зараз аб'яўлены ААН галоўнай тэмай гэтага года. Бо штогадовае падвышэнне здабычы з боку рыбапрамысловых карпарацый па ўсім сусветным акіяне вядзе наўпрост да глабальнага знішчэння не толькі марскіх насельнікаў, але і ўсіх астатніх жывёлаў і птушак, якія мусяць харчавацца дарамі мора.

Некаторыя экалагічныя актывісты заклікаюць грамадства да зніжэння спажывання рыбы і прапануюць замяняць яе расліннымі стравамі, некаторыя ж накіроўваюць свае намаганні ў бок удасканалення заканадаўства, якое б забараняла выкідваць параненую рыбу непрывабных відаў, якая патрапіла ў невады разам з каштоўным ласосем, тунцом і сельдзью. Але здаецца, што на сёняшні дзень існае палажэнне здольны выратаваць толькі супольныя намаганні грамадзства  па ўсіх гэтых напрамках, а мабыць і болей.

Калі казаць пра яшчэ больш актуальныя пытанні, датычныя да Беларусі, то нельга абмінуць тэму палаў сухой травы. Бо гэта сапраўдны “біч” нашай краіны. Так як з-за гэтых штогадовых мерапрыемстваў, нягледячы на іх афіцыйную забарону, Беларусь мае магчымасць згубіць дзесяткі рэдкіх раслінаў, насякомых, згубіць месцы гнездавання рэдкіх птушак і пашкодзіць свае   каштоўныя тарфяннікі бяззваротна. Пашкоджванне сістэмы балотаў з-за пажараў на тарфянніках наўпрост прыводзіць да змянення клімату, як на глабальным так і на лакальным ўзроўні. Калі вы пакутуецце ад невыноснай спякоты, то узгадайце карціны пажараў, якія вы бачылі кожны год, выязжаючы за горад у весну ці ў восень і суаднясіце гэтыя фактары ў адну лагічную схему, і вы адразу зразумееце, што з'яўляецца падставай для непамерна высокіх тэмператур год-за годам.

Знішчэнне некаторых відаў насякомых ці жывёлаў нерэдка прыводзіла да эпідэміяў і невымерных стратаў ураджаю, голада і перасяленняў. Хочацца верыць, што прыкладаў з гісторыі чалавецтва хопіць каб кожны  ўсвядоміў значнасць біяразнастайнасці і клапаціўся пра яе захаванне не толькі адзін дзень на год.    

Прэс-служба Беларускай Партыі “Зялёныя”