Удзельнікі прэс-канферэнцыі, прысвечанай новай сімволікі БПЗ, таксама выказаліся наконт фармату ўдзелу партыі ў будучых парламенцкіх выбарах.

Рашэнне пра ўдзел Беларускай партыі "Зялёныя" (БПЗ) у парламенцкіх выбарах будзе прымацца пасля афіцыйнай аб'явы даты выбараў. Пра гэта на прэс-канферэнцыі 18 мая ў Мінску паведаміў намеснік старшыні партыі Дмітрый Кучук.

"Мы заўсёды выступалі за тое, каб у краіне была праведзена рэформа палітычнай сістэмы, таму што пры цяперашняй сістэме такая партыя, як БПЗ, мае не шмат шансаў правесці сваіх кандыдатаў у парламент. А вось калі б выбары праходзілі па партыйных спісах, то, думаю, у нас быў бы досыць пазітыўны вынік. Усім зразумела, што парламент — гэта пляцоўка для дыскусій, і калі б там былі прадстаўнікі ад "Зялёных", то, напэўна, тых праблем, якія існуюць сёння з будаўніцтвам атамнай станцыі, з высечкай дрэў, не было б. Але без рэформы палітычнай сістэмы выбары застаюцца гульнёй у адны вароты".

"Вельмі важны аргумент у карысць удзелу ў выбарах, — дадаў кіраўнік БПЗ Алег Новікаў, — гэта пашырэнне геаграфіі партыйных структур. Выбары даюць унікальны шанец праводзіць сустрэчы з выбаршчыкамі, прыцягваць у партыю новых людзей. Да таго ж гэта магчымасць абмеркаваць з людзьмі пытанні будаўніцтва ў краіне атамнай станцыі, пашырыць у грамадстве настроі супраць АЭС. Частка сяброў партыі рашуча супраць удзелу ў парламенцкіх выбарах, але кропку ў дыскусіі паставіць цэнтральны савет".

"Адзін з магчымых выглядаў палітычнай дзейнасці партыі, — дадаў лідар моладзевага крыла БПЗ Яўген Герасименко, — гэта назіранне за выбарамі. І мы абавязкова будзем займацца гэтым. Што да нейкага яшчэ ўдзелы ў выбарах, тое гэта вырашыцца ў найблізкі месяц, калі будуць абвешчаны тэрміны выбарчай кампаніі".

Прэс-служба Беларускай Партыі Зялёныя