Мінскія гарадскія ўлады адмовілі актывістам Беларускай партыі "Зялёныя", якія падалі заяўку на правядзенне 26 красавіка 2012 г. велапрабегу "За альтернативную энергетыку"

Велапрабег  "За альтэрнатыўную энергетыку" закліканы прапагандаваць экалагічны лад жыцця, павінен быў адбыцца 26-го красавіка ў цэнтры Мінска. Заяўнікі прасілі Мінгарвыканкам дазволіць групе веласіпедыстаў праезд  па веласіпеднай дарожцы ад стэлы "Мінск - горад-герой" у кірунку Серабранкі і назад.

Аднак у гарысполкоме Мінску вырашылі адмовіць арганізатарам, паколькі, як гаворыцца ў афіцыйным лісце, падпісаным намеснікам старшыні І.В. Карпенка: "не дапускаюцца масавыя мерапрыемствы на пляцы Перамогі і праспекце Пераможцаў (...), не ўказаныя меры па забеспячэнні грамадскага парадку, а таксама меры звязаныя з медыцынскім абслугоўваннем".

На думку Беларускай партыі "Зялёныя", матывы адмовы ў меншай ступені злучаныя з тэхнічнымі патрабаваннямі да правядзення мерапрыемства. Любыя пытанні такога плану, уключаючы маршрут, можна было б лёгка ўзгадніць у рамках узаемных кансультацый.

Тым больш маршрут праезду па веладарожцы па вызначэнні здымае пытанні пра арганізацыю руха веласіпедыстаў. Але забарона ставіць некалькі нязручных пытанняў: для каго тады пабудавана гэта веладарожка? Дзе яшчэ  можна ездзіць на веласіпедзе ў горадзе Мінску? У любым выпадку мы маем справу беспрэцэндэнтным у Еўропе выпадкам, калі па-за законам пастаўлена акцыя за альтэрнатыўную энергетыку і экалагічны лад жыцця.  Забаронная палітыка гарадскіх улад сведчыць  пра фармалізм дзяржаўнай прапаганды экалагічнай свядомасціі непавазе да прыроды”.

Беларуская партыя "Зялёныя" заклікае мінчукоў правесці 26 красавіка 2012 на веласіпедзе. Не абавязкова на веладарожцы, проста выехаць у горад і пакатацца на ровары. Хай гэта будзе яшчэ адзін дзень без аўтамабіля. Для здароўя і аховы навакольнага асяроддзя. Без АЭС і за альтэрнатыўную энергетыку.

Прэс-служба Беларускай партыі "Зялёныя"