Пазіцыя  прэс-службы Беларускай партыі "Зялёныя" з нагоды канфлікту на прадпрыемстве "Граніт" у Мікашэвічах.

Беларуская партыя "Зялёныя" выказвае сваю салідарнасць з працоўнымі прадпрыемствы "Граніт", якія падвергліся пераследам з-за іх жадання стварыць у сябе па месцу працы незалежны прафсаюз.

Права працаўнікоў на стварэнне саюзаў і аб'яднанняў для абароны сваіх інтарэсаў з'яўляецца адным з асноўных сацыяльных праў. Тое, што беларускіх працоўных пазбаўляюць гэтага права, лішні раз сведчыць пра тое, што ў Беларусі, таксама, як і большасці краін свету, сёння поўным ходам рэалізуецца практыка "дзікага" капіталізму, якая вядзе да росту коштаў і падзення жыццёвага ўзроўня насельніцтва, ліквідацыі сацыяльных льгот і гарантый, бяспраўю людзей працы.

Наступ на правы вольных прафсаюзаў - адзін з асноўных пунктаў гэтай неаліберальнай праграмы, закліканай абслугоўваць інтарэсы як мясцовага дзяржаўнага і прыватнага капіталу, так і транснацыянальных карпарацый.

Салідарнасць - галоўны сродак у барацьбе наёмных рабочых за свае правы, за лепшую будучыню, за сапраўдную альтэрнатыву сучаснай мадэлі эксплуатацыі чалавека і прыроды - за сацыялістычнае і экалагічнае грамадства.

Свабоду рабочаму руху!

Прэс-служба Беларускай партыі “Зялёныя”