Мінскія ўлады рыхтуюцца зноў уняць тарыфы на праезд. Між іншым ёсць схема вырашэння транспартнай праблематыцы горада на “зялёны” манер.
У эстонскай сталіцы правялі апытанне насельніцтва з нагоды адмены платы за праезд у гарадскім грамадскім транспарце. 75,5 адсоткаў апытаных жыхароў падтрымалі гэтую ідэю.
Як сказаў старшыня гарадской камісіі па правядзенні апытання Тоомас Сепі, у апытанні прынялі ўдзел 20 адсоткаў жыхароў Таліна. Найбольш актыўна галасавалі жыхары найбуйнейшага «спальнага» раёна – Ласнамяэ, а самымі пасіўнымі апынуліся жыхары прыморскага прадмесьця Пірыта, дзе пераважае індывідуальная забудова.
У гэтым фешэнэбельным прыгарадзе жывуць досыць заможныя людзі, якія карыстаюцца асабістым транспартам, таму тэма кошту праезду ў гарадскім транспарце іх хвалюе не так моцна. Але і яны, мяркуючы па ўсім, не супраць адмены платы за праезд. Падлік галасоў паказаў, што 75,5 адсоткаў талінчукоў, якія прынялі ўдзел у апытанні, падтрымліваюць ўвядзенне з 2013 года бясплатнага праезду ў грамадскім транспарце сталіцы. Апытанне прайшло пры небывалай актыўнасці гаараджан - да скрыняў прыйшлі 68059 чалавек.
Мэр Таліна Эдгар Савісаар выказаў падзяку ўсім удзельнікам апытання. «Вынікі яго, - падкрэсліў ён, - сведчаць, што тэма для талінчукоў актуальная. Талін даўно ўжо славіцца наватарствам, вось і ў гэтай галіне ў нас з'явілася магчымасць зрабіць першы ў гісторыі інавацыйны крок».
Савісаар асабліва адзначыў абсалютна легітымны характар правядзення апытання і заявіў, што воля талінчукоў будзе прыведзена да выканання.
Адказваючы на папрокі ў вялікіх фінансавых выдатках на правядзенне апытання, Савісаар адзначыў, што дзяржава, даючы згоду на ўдзел у еўрапейскім фондзе стабільнасці, наогул не пацікавілася меркаваннем народа, зэканоміўшы на гэтым. Але затое колькі яна страціла, далучыўшыся да гэтага фонду? Зносіны з народам, выяўленне яго меркавання, як бы дорага яно ні абыходзілася, акупляе сябе сто разоў.
Гаворачы аб далейшых кроках, мэр адзначыў, што ўжо ў чэрвені пройдзе вялікі сход «зялёных», дзе будуць уздымацца праблемы чысціні гарадскога паветра, у ліпені адбудзецца зліццё аўтобуснага і трамвайна-тралейбуснага аб'яднанняў, у верасні ў гарадское самакіраванне будзе накіраваны праект пастановы аб пераходзе на бясплатны грамадскі транспарт, да якога будуць прыкладзены неабходныя тлумачэнні, калькуляцыі, разлікі і тэрміны.
Са студзеня наступнага года грамадскі транспарт у горадзе стане бясплатным - мандат на гэта цяпер атрыманы.
Герасіменка Яўген (актывіс БПЗ): «У Таліне продаж квіткоў пакрывала толькі адну трэць ад выдаткаў на транспарт. Калі падлічыць падобныя выдаткі на Транспартную сістэму, напрыклад Мінска, то з вар'ятскай колькасцю рэвізораў, якім неабходна плаціць заробак, а таксама мізерным коштам квіткоў, не здзіўлюся калі паказчыкі прыбытку гэтай галіны будуць яшчэ значна меншымі за талінскія. Дык навошта рабаваць пенсіянераў, дзеля якіх 1300 рублёў вялікія грошы, калі можна зрабіць транспарт бясплатным? Спадзяюся, хутка будзе асобны артыкул на гэту тэму”.
Прэс-служба Беларускай Партыі Зялёных