З нагоды “Сусветнага дня барацьбы з інтэрнэт-цэнзурай” і прадстаўлення так званага даклада «ворагаў Інтэрнэта» сусветна вядомай арганізацыі «Рэпарцёры без межаў", д-р Канстанцін фон Нотц, эксперт фракцыі «Саюз 90/Зялёныя» па пытаннях палітыкі Інтэрнэта,  і Табеа Рёснер, эксперт гэтай фракцыі па пытаннях палітыкі СМІ, зрабілі наступную заяву:

"Сусветны дзень барацьбы супраць цэнзуры ў Інтэрнэце" дае магчымасць прыцягнуць увагу  да павелічэння інтэрнэт-цэнзуры і рэпрэсій супраць блогераў а таксама інтэрнэт-карыстальнікаў.

Інтэрнэт стаў цэнтральным месцам выказвання меркаванняў і свабоды інфармацыі, якая мае вырашальнае значэнне для нашай плюралістычнай дэмакратыі. Інтэрнэт дазваляе павысіць празрыстасць прыняцця палітычных рашэнняў, а таксама дае новыя формы дэмакратычнага ўдзелу, такія, як акцыі пратэсту апазіцыі.

Той ці іншы дэспат баіцца дэмакратычнага эфекту “сусветнай павуціны”: у шматлікіх аўтарытарных і таталітарных дзяржавах, дзе дэмакратычныя рэформы і пратэсты апазіцыі пазбягаюцца і забараняюцца ці ўвогуле фізічна падаўляюцца, свабода Інтэрнэта па-ранейшаму моцна абмежавана праз цэнзуру і комплексны маніторынг карыстальнікаў. Такое адбываецца нават у некаторых краінах Еўропы.

Хваля дэмакратызацыі, якая ахапіла краіны на Блізкім Усходзе і ў Паўночнай Афрыцы, па-новаму спрыяла дыскусіі аб дэмакратыі, стымулюючым уплыву Інтэрнэца. У ходзе гэтай дыскусіі ў цэнтр увагі трапілі таксама прадпрыемствы, якія займаюцца распрацоўкай і продажам тэхналогій і тэхнікі, якія дазваляюць маніпуляваць, кіраваць і нават зрабіць немагчымай камунікацыю па электроннай пошце, у сацыяльных сетках і блогах, - у тым ліку шматлікія нямецкія кампаніі.

Важная мэта грамадства - абарона свабоды слова ў Інтэрнэце, каб абараняць і ахоўваць пацярпелых блогераў ад рэпрэсій і катаванняў. І наш урад павінен адыграць сваю ролю. Замест таго, каб толькі казаць пра дэмакратызацыйны эфект Інтэрнэта,  ён павінен рашуча ўмяшацца там, дзе свабода выказвання меркаванняў і свабода інфармацыі абмежавана, і дзе дэмакратычныя і апазіцыцыйныя пратэсты забаронены ці прыследваюцца.

Прэс служба Беларуская Партыя Зялёных