Зяленыя прапануюць беларускім аўтааматарам прыняць удзел у аўтапрабегу супраць будаўніцтва АЭС у Балтыйскім рэгіёне

21-га сакавіка Зялёныя" Латвіі, Літвы, Беларусі і Калінінградскай вобласці Расіі арганізуюць пратэстны аўтапрабег супраць будаўніцтва ў рэгіёне трох АЭС.

Аўтапрабег пад лозунгам «Stop Baltic Fukushima»пройдзе па маршруце Даўгаўпілс - Вільнюс праз тэрыторыі, якія атачаюць выведзеную з эксплуатацыі Ігналінскую атамную станцыю, і месца будаўніцтва будучай станцыі "Игналина-2».

Канчатковая кропка маршруту пратэстуючых - пляц Незалежнасці каля Сейма Літвы, дзе адбудзецца антыядзерны пікет.

Адзін з арганізатараў пратэсту Томас Томілінас лічыць, што "мерапрыемства зможа прыцягнуць увагу людзей ды праблемы ліквідацыі ядзерных адыходаў, якія паўстаюць пасля запуску ядзерных монстраў.

Варта адзначыць. што Прадстаўнікі "зялёных" Літвы не раз заяўлялі, што іх краіна павінна першай адмовіцца ад планаў будаўніцтва новай АЭС, каб мець маральнае правп патрабаваць такіх жа крокаў ад суседзяў у Расіі і Беларусі. "

БПЗ у сваю чаргу прапануе прыняць удзел у аўтапрабеге сябрам руху "За авто" - грамадзянская ініцыятыва беларускіх аматараў аўтамабіляў, вядомая як арганізатар акцыі "Стоп бензін". Раней эколагі неаднаразова крытыкавалі "За авто" за карпаратыўна-спажывецкі характар руху, нежаданне прызнаць тое, што прыватны аўтамабільны сектар з'яўляецца адной з галоўных крыніцаў змены клімату і патрабуе рэформаў. Цяпер у аматараў аўтамабілей з'явіўся добрыя шанец давесці, што яны не цураюцца экалагічнай праблематыкі.

Даеш "Стоп АЭС"!

Крыніца Прэс-служба Беларускай Партыі "Зяленыя"