Наспевае тарыфная вайна авіакампаній з Захаду і Усходу з-за увядзення экалагічнага падатку Еўрапейскім Саюзам.
З першага студзеня ўсе авіякампаніі свету, якія лётаюць над ЕC, уключаны ў еўрапейскую сістэму гандлю квотамі на выкіды.
Сістэма гандлю квотамі на выкід парніковых газаў дзейнічае ўжо некалькі гадоў і першапачаткова прызначалася для заводаў. З гэтага года ў яе павінны быць уключаны авіякампаніі. Прычым нееўрапейскіх перавозчыкам, што лётаюць па тэрыторыі ЕC, прыйдзецца плаціць і за паліва спаленае па-за межамі Еўропы.
Частка квот – 85% ад аб'ёму перавозак за год прадастаўляецца бясплатна, астатнія 15% набываюцца перавозчыкамі на рынку. З гэтага вынікае што калі ў 2010 годзе авіякампанія налятала ў Еўропу 100000 пасажыра-кіламетраў, то ў 2012 годзе на ўвесь аб'ём перавозак (за выключэннем 85000 пасажыра-кіламетраў) прыйдзецца дакупляць квоты.
У лістападзе 2011 года Расія і Еўрасаюз дасягнулі дамоўленасці аб адмене платы за палёты еўрапейскіх авіякампаній над Сібіру. Меркавалася, што ў 2013 годзе Расея адменіць плату для новаўведзенных рэйсаў, а ў 2014 годзе ліквідуе аплату зусім. Але пасля увядзеня экалагічнага падатку з боку ЕC Расея па гэтаму пытанню надае прывілеі Кітайскім авіяперавозчыкам.
На адпаведны крок Расея вырашалася пасля таго як Кітай у супраціў палітыцы ЕС замарозіў кантракт на пастаўку 45 «аэробусаў», з якіх 10 – найноўшыя двухпалубныя A380, кантракт ацэньваецца ў 9 мільярдах эўра ідатычыцца працоўных месцаў на заводах.
Было б незразумела, калі б і ЗША не падтрымала сваіх калегаў па супрацьдзеянню экалагічнай бяспецы еўрапейскага паветра. ЗША яшчэ ў 2011 годзе ўвялі закон аб забароне выплаты з боку сваіх авіякампаній еўрапейскага экалагічнага падатку. Дарэчы група авіякампаній з ЗША нават спрабавала аспрэчыць неабходнасць платы за квоты, але Еўрапейскі суд пацвердзіў законнасць падатку.
Па падліках экспертаў па новаўведзеным законе толькі расійскія кампаніі выдаткуюць за 2012 каля 25-30 млн еўра, з якіх прыблізна 80% прыйдзецца на "Аэрафлот".
Пасажырам, незалежна ад авіякампаніі і яе паходжання, прыйдзецца даплаціць за квіток ад 2 да 12 эўра.
Але па дадзеных навукоўцаў, самалёты пастаўляюць у атмасферу каля 3% парніковых газаў.
Авіяперавозчыкі заяўляюць, што грошы, якія адведзены на еўрапейскі падатак, лепей было б выдаткаваць на распрацоўку новых рухавікоў і новага паліва для самалётаў,што ў значнай ступені скараціла бы выкіды.
Еўракамісія, аднак, стаіць на сваім. У пятніцу міністры пацвердзілі сваю прыхільнасць сістэме гандлю квотамі і заявілі, што «адмоўнікаў» чакаюць наступствы і санкцыі.
З пункту гледжання беларускіх “Зялёных”, адмысловыя меры дазволяць аптымізаваць сістэму пералётаў, знізіць колькасць брудных адкідаў у паветры і тым самым знізіць антрапагеннае уздзеянне на клімат. Падобныя крокі Еўропы нададуць імпэту навукоўцам і распрацоўшчыкам новых відаў паліва, рухавікоў, што ў выніку павінна прывесці да скарачэння расходу паліва, а значыцца і зніжэння коштаў на пералёты.
Крыніца: Прэс-служба Беларуская Партыі “Зялёныя”