У сувязі з гадавінай аварыі на АЭС у Фукусіме Беларуская Партыя Зяленых (БПЗ) разам з іншымі удзельнікамі Беларускай антыядзернай кампаніі прынялі зварот да грамадскасці
Адкрыты зварот Беларускай антыядзернай кампаніі да угодкаў Фукусімскай катастрофы
11 сакавіка 2011г. ў выніку моцнага землятрусу і цунамі ў Японіі на атамнай электрастанцыі <<Фукусима>> пачалася самая буйная з часу Чарнобыля радыяцыйная катастрофа, якая суправаджалася праблемамі ў працы абсталявання, аварыямі з расплаўленнем актыўнай зоны і маштабнымі радыяцыйнымі выкідамі. Аварыі быў прысвоены 7-ы узровень па міжнароднай шкале радыяцыйных аварый INES. Фукусиму можна супаставіць з Чарнобылем па маштабах выкідаў. Таму наступствы гэтай катастрофы для жыхароў Японіі і ўсяго свету будуць адчувальныя яшчэ на працягу дзясяткаў, сотняў і больш гадоў. Па адзнаках шэрагу заходніх экспертаў, яны будуць значна сур'ёзней Чарнобыля.
Драматычныя падзеі 11 сакавіка 2011 гады на АЭС <<Фукусіма>> прывялі не толькі да маштабных экалагічных праблем, але і да чалавечых ахвяр, эканамічных стратаў, і прымусілі шэраг вядучых індустрыяльных краін свету адмовіцца ад АЭС і перагледзець свае энергетычныя праграмы. Сёння, праз год пасля Фукусімскай трагедыі колькасць атамных рэактараў у свеце скарацілася да ўзроўня 80-х, у Японіі з 54-х рэактараў працуюць зараз толькі 2.
Аднак улады такіх краін як Расія, Беларусь і Літва не спяшаюцца рабіць высновы з Фукусімскай катастрофы, як і не зрабілі іх пасля Чарнобыля. Гэтыя краіны не толькі не распачалі належных мер для ліквідацыі наступстваў катастрофы на ЧАЭС, але і, нягледзячы на Фукусіму, заявілі пра намер працягваць далейшае развіццё сваіх ядзерных праграм.
Не спытаўшы меркавання грамадзян, насуперак іх пратэстам і пратэстам навуковай грамадскасці і экспертаў, Расія, Беларусь і Літва па-ранейшаму збіраюцца будаваць Калініградцкую, Астравецкую і Вісагінскую АЭС. Гэтыя атамныя электрастанцыі будуць знаходзіцца на адлегласці меншым, чым 300 кіламетраў адна ад адной. За год, які прайшоў пасля Фукусимы ўлады гэтых трох краін падпісалі за зачыненымі дзвярамі міжурадавыя дамовы і заручыліся падтрымкай атамнай індустрыі, якая знаходзіцца ў стане агоніі, хаваючы рэальныя лічбы магчымай эканамічнай і экалагічнай шкоды.
Праатамные лабісты кажуць пра тое, што эксперыментальныя АЭС, пабудаваныя па расійскім праекце АЭС-2006, а таксама ўдасканаленыя кіпячыя рэактары фукусімскага тыпу, якія Японія збіраецца паставіць у Літву, будуць бяспечней Чарнобыля і Фукусімы. Аднак гэтыя абяцанкі не пацвярджаюцца практыкай. Мы бачым адваротныя працэсы: - аварыю з цяжкімі, катастрафічнымі наступствамі, якую нават сучасная высокаразвітая ў тэхналагічным вымярэнні Японія не ў стане прадухіліць і ліквідаваць. На сённяшні дзень чалавецтва яшчэ не навучылася збіраць выкінутыя з атамных рэактараў радыёнукліды, шэраг з якіх нясе смяротную небяспеку для ўсяго жывога на працягу сотняў тысяч гадоў.
Мы заклікаем грамадзян і ўсіх неабыякавых людзей звярнуцца да ўрадаў Расіі, Беларусі і Літвы з патрабаваннем спыніць ядзерны генацыд сваёй прыроды і насельніцтва і прыступіць да выкарыстання па-экалагічнаму бясшкодных крыніц энергіі!
Прэс служба Беларускай Партыі Зяленыя