Напярэдадні Міжнароднага дня жанчын у каментары для  “Радыё Рацыя” намеснік старшыні Партыі Зялёных Юрый Глушакоў выступіў супраць заклікаў адмовіцца ад святкавання 8-га сакавіка.

Юрый Глушакоў пракаментаваў заклікі прадстаўнікоў прадстаўнікі нацыяналістычных рухаў і кансерватыўнх колаў хрысціянскіх вернікаў, якія крытыкуюць традыцыю святкавання 8-га сакавіка. На іх думку апошніх Міжнародны дзень жанчынаў гэта проста постсавецкі мікст Дня св. Валянціна з амерыканскім Днём маці.

“Намеснік старшыні Партыі Зялёных Юрый Глушакоў лічыць, што беларускія жанчыны дагэтуль церпяць на дыскрымінацыю па полавай прыкмеце. Адпаведна, Міжнародны дзень жанчынаў не страціў сваёй актуальнасці”, - паведамляе “Радыё Рацыя”.

Юрый Глушакоў таксама нагадаў чаго дабіліся жанчыны ў рамках барацьбы за свае правы за апошняе стагоддзе, складнікам якой была традыцыя адзначаць 8-ае сакавіка.

Юрый Глушакоў: “Сёння гэта свята без усялякай барацьбы. Што, у прынцыпе, і зразумела, бо на самой справе праблемаў у сучасных жанчын істотна паменшылася ў параўнанні з пачаткам мінулага стагоддзя. А вось падчас закладання традыцыі святкавання 8-га сакавіка было чымсьці іншым. Бо іншым было і становішча жанчын у той час. Дарэчы, у Расійскай імперыі ў пачатку ХХ стагоддзя жанчына нават не мела права на развод, не мела права ўдзелу ў выбарах, не мела права працаваць у дзяржаўных установах”.

Крыніца: Прэс-служба Беларускай Партыі “Зялёныя”.