Працягваецца петыцыйная кампанія ў абарону парка 40-годдзя Кастрычніка ў Мінску, адным з ініцыятараў якой з’яўляецца БПЗ.

На пачатак сакавіка паводле дадзенных Еўрарадыё за парк падпісалася 3500 чалавек.

У лісne, адрасаваным кіраўніку краіны, а таксама старшыні Мінгарвыканкама, міністру аховы прыроды і амбасадару Кітая людзі просяць перанесці гэтае будаўніцтва ў іншае месца. Зварот падпісалі прадстаўнікі грамадскім арганізацый, жыхары Ленінскага раёна сталіцы, незалежныя эксперты, прадстаўнікі творчай інтэлігенцыі. На думку падпісантаў, гатэль «Пекін» можна перанесці на пляцоўку праз дарогу ад парка, там цяпер размешчаныя недабудаваныя карпусы завода імя Кірава. На думку аўтараў звароту, гэта прамысловая звалка ў цэнтры Мінска і яе трэба ліквідаваць, а парк захаваць. Грамадскасць лічыць, што парк яшчэ можна ўратаваць, пакуль не пачалося будаўніцтва гатэльнага комплексу «Пекін».

Пакуль адзінай рэакцыяй уладаў стала сентэнцыя намесніка прэм'ер-міністра Беларусі Анатоля Тозіка на прэс-канферэнцыі 2 сакавіка ў амбасадзе Кітая. “Гарвыканкам усё ж распачаў неабходныя меры, каб распавесці мінчукам пра тое, што будзе пабудавана ў парку 40-годдзі Кастрычніка”, - сказаў чыноўнік.
 
На сайце Мінгарвыканкаму пра “гэтыя меры” няма ніякай інфармацыі. Затое ў выпуску за 29-ае лютага газеты Минский курьер, заснавальнікам якой ёсць муніцыпалітэт, сапраўды ёсць заметка пра канфлікт. Газета піша: “Пакуль гэта мястэчка прыцягвае галоўным чынам унікальнай для цэнтральнай часткі горада цішынёй і малалюднасцю. У гэтым ёсць сваё хараство, але так заставацца заўсёды не можа”.

Тыя, каго такія “меры” на карысць знішчэння парку не пераканалі, можа падпісацца ў яго абарону тут.

Крыніца: Прэс-служба Беларускай Партыі Зялёныя