Еўрапейскія Зялёныя асудзілі шэраг апошніх рашэнняў беларускай Феміды і лічаць, што не санкцыі,  а перагляд візавай палітыкі можа падтрымаць грамадзянскую супольнасць Беларусі.
 

Так, у каментары наконт прынятай рэзалюцыі аб парушэннях правоў чалавека і вяршэнства закона ў Беларусі, Зялёны дэпутат Еўрапарламента Вернер Шульц, член Камітэта па знешніх сувязях заявіў:"У рэзалюцыі ўтрымліваецца рашучы зварот да Аляксандра Лукашэнкі: ЕС не прызнае смяротныя прысуды, прынятыя ў дачыненні да нібыта тэрарыстаў у мінскім метро, Дмітрыя Канавалава і Уладзіслава Кавалёва, а таксама пазбаўленне свабоды праваабаронца Алеся Беляцкага. Гэта ўсё вынікі палітычна матываваных паказальных працэсаў, як у часы Сталіна. Мы патрабуем адмены несправядлівых прысудаў а таксама неадкладнага вызвалення ўсіх палітычных зняволеных у Беларусі. Гэта галоўная умова ЕС для новага дыялогу.

Дзяржавы-члены ЕС павінны ўзмацніць ціск на рэжым, працягваць прымяняць мэтанакіраваныя эканамічныя санкцыі і, такім чынам, выведуць сістэме Лукашэнка фінансавую глебу з-пад ног і будуць садзейнічаць сістэмным зменам у краіне."

27-га лютага дэпутат бундэстага ад партыі "Зялёныя" Марілуизе Бек. асудзіла прысуд, вынесены Сяргею Коваленко.

На яе думку дадзены прысуд - чарговае пацверджанне таму, што "супраць дысідэнтаў у Беларусі вядзецца мэтанакіраваная барацьба".

 "У зняволенні над палітвязнямі здзекуюцца маральна і фізічна ў лепшых сталінскіх традыцыях, каб дамагчыся прызнання віны і надоўга выключыць іх з апазіцыйнай барацьбы", - гаворыцца ў заяве Бек.

Па меркаванні дэпутата бундэстага, " масавыя рэпрэсіі не маюць будучыні, цяжкі эканамічны крызіс толькі павялічыць народная незадаволенасць уладай".

Спадарыня Бек заклікае беларускія ўлады вызваліць усіх палітвязняў і рэабілітаваць іх.

Нямецкі дэпутат таксама заклікае ЕС адмяніць візы для беларусаў, паколькі адкрыццё грамадства з'яўляецца самым эфектыўным спосабам, які спрыяе яго падтрымцы.

Крыніца: прэс-службы Беларускай Партыі Зялёных