Беларуская партыя “Зялёныя” сумесна з партыяй БНФ і Рухам “За Свабоду” распачынае кампанію па назіранню і кантроле за ходам правядзення выбараў у Палату прадстаўнікоў нацыянальнага сходу, якія павінны прайсці да канца верасня 2012 года.

Кампанія мае працоўную назва “Народны кантроль – за сумленныя выбары!”. Лозунг кампаніі "Не дай выкрасці свой голас!".

Асноўная мэта кампаніі – прыцягненьне грамадзян да ўдзелу ў выбарчых камісіях і ў якасьці назіральнікаў. Беларуская партыя “Зялёныя” плануе видвінуць кандыдатаў у склад не толькі акруговых камісій, але і Цэнтральнай камісіі па выбарах і рэферэндумах. А таксама назіраць падчас падрыхтоўкі да выбараў, непасрэдна падчас датэрміновага галасавання і ў дзень выбараў, каб назіраць за ходам і працэсам галасавання, падлікам галасоў.

Беларуская партыя “Зялёныя” заклікае і іншыя партыі далучыцца да кампаніі а таксама грамадзкія арганізацыі і грамадзян, якія маюць магчымасьць вылучацца ў выбарчыя камісіі шляхам збору подпісаў. А сяброў і актвістаў нашай партыі а таксама ўсіх тых, хто падзяляе нашы мэты і каштоўнасці, заклікаем далучыцца да гэтай кампаніі ў якасці членаў выбарчых камісій і назіральнікаў.

У рамках сумеснай кампаніі плануецца распаўсюдзіць агітацыйны матэрыял з інфармацыяй пра крытэрыі празрыстасьці і справядлівасьці выбараў, пра магчымасьці для грамадзянаў прыняць удзел у кантролі за выбарчым працэсам праз вылучэньне ў выбарчыя камісіі ці назіральніцтва як шляхам вылучэньня ад палітычнай партыі альбо грамадзкага аб’яднаньня, так і праз самастойнае вылучэньне зборам подпісаў. Агітацыйныя матэрыялы гэтага складніку кампаніі будуць сваеасаблівым мастом паміж магчымымі кампаніямі байкоту і актыўнага ўдзелу.

Для ўдзельнікаў кампаніі будуць праводзіцца спецыяльныя адукацыйныя трэнінгі і семінары.

Таксама будзе прадастаўлена неабходная дапамога ў выглядзе кансультацый, інфармацыйнай падтрымкі.

А ў канцы кампаніі будуць праведзены аналіз, параўнанне і падрыхтавана справаздача для грамадскасці аб выніках назірання, удзелу ў складзе выбарчых камісій, назіральніцтве і кампаніі ў цэлым.

Давайце разам выпрацуем незалежную сістэму назірання за выбарамі! Каб гэтая сістэма незалежнага назірання функцыянавала і падчас наступных выбарчых кампаній і выбараў.

Прыняць удзел у кампаніі "Народны контроль - за сумленныя выбары" можна, запоўніўшы наступную  анкету, і выслаць яе каардынатару кампаніі (narkontrol@belgreens.org).

Анкета для желающих выдвигаться в избирательные комиссии и в наблюдатели от Белорусской партии «Зелёные»

1. Фамилия, има, отчетство

2. Дата и место рождения

3. Адрес прописки (полный, с почтовым индексом)

4. Почтовый адрес

4. Гражданство

5. Место работы/учёбы, должность

6. Опыт участия в избирательных кампаниях (кандидат, доверенное лицо кандидата, член комиссий, наблюдатель)

7. Контактные данные (телефон, электронная почта)

Прэс-служба Беларускай Партыі “Зялёныя”