Астравецкая атамная электрастанцыя  і мікраклімат на рэгіянальным узроўні. Артыкул актывіста БПЗ Пятра Філона.

У апошнія гады па ўсёй планеце ўчасьціліся стыхійныя бедствы й анамальныя ўмовы надвор’я. Самымі моцнымі за 2011 год былі ўраган “Айрын” і цунамі, якое абвалілася на Фукусіму.

Для краін з неразвітай эканомікай шкода ад такіх прыродных катастрофаў нашмат перавышае іх гадавы бюджэт. Для пракладу анамальная сьпякота 2010 года нанесла сур’ёзную шкоду сельская гаспадарцы Беларусі, як мінімум, пазбавіўшы ўраджаю грэчневай крупы.

Як правіла да такіх анамальных прыродных з’яваў прыводзіць пагаршэнне агульнага стану навакольнага асяроддзя на планеце: забруджваньне атмасфэры парніковымі газамі, маштабныя высечкі лясоў, некантраляваная распрацоўка нетраў і г.д. Толькі за ХХ стагодзьдзе насельніцтва Зямлі павялічылася ў 6 разоў, і разам з гэтым павялічылася выкарыстаньне прыродных рэсурсаў.

Тым не менш  для асобных тэрыторый шмат залежыць ад рэгіянальнага мікраклімата. Нам шмат у чым пашчасьіцла: не толькі дзякуючы геаграфічнаму становішчу, але і умеранаму выкарыстоўванню сваіх прыродных рэсурсаў. Такой маштабнай высечкі лясоў, як у Лацінскай Амерыцы, у нас ніколі не было. Маштабных асушак балотаў таксама не праводзілася. Не дзіўна, што беларускія балоты называюць “лёгкімі Эўропы”.

Так, цяжкая прамысловасьць у Беларусі развітая, аднак шкодныя вытворчасці прысутнічаюць  не ў такой ступені як у іншых краінах свету. Ідзе актыўная распрацоўка калійных радовішчаў, але не выкарыстаць такі падарунак нашых земляў было б дзіўна. У нашай краіне няма ніводнай атамнай станцыі! А гэтым ня кожная дзяржава можа пахваліцца.

Але будаўніцтва і эксплуатацыя Астравецкай атамнай электрастанцыі будзе адназначна ўплываць на мікраклімат на рэгіянальным узроўні і як след на стан навакольнага асяроддзя.

Гэтымі наступствамі могуць быць змена цеплавога баланса рэк Лоша й Вілія, якое паўплывае на іх экасістэмы.

Справа ў тым, што праца любой АЭС суправаджаецца ж т.з. “дапушчальнымі выкідамі” цэзія і іншых атрутных рэчываў, пра якія  прыхільнікі выкарыстоўваньня мірнага атама вельмі ня любяць казаць. А як адрэагуе прырода на такі падарунак чалавека, як плутоніевыя элементы й амэрыцый, яшчэ давядзецца  даведацца нашым нашчадкам.

А як быць з тонамі адпрацаванага ядзернага паліва? У атмасфэру будзе ўкідвацца радыёактыўны крыптон – таксама чужы для яе элемент. А як будуць адчуваць сябе сотні тысяч жыхароў Ашмян, Ліды, Астраўца, Валожына, Вільні, маючы такога суседа як АЭ

Таму нам ёсьць аб чым задумацца, і варта рабіць усё для таго, каб працягваць жыць у такім цудоўным месцы на планеце.

Прэс-служба Беларускай Партыі “Зялёныя”