Шэраг сяброў БПЗ прыядналіся да петыцыйнай кампаніі супраць магчымага расстрэлу Канавалава і Кавалёва. акіх абвінавачваюць у выбуху у мінскім метро 11-га красавіка,

Кампанія старатавала 19-га лістапада. У петыцыі адзначаецца, што прыгавор Кавалёву і Канавалаву, і для якіх пракурор запатрабаваў смяротнай кары, будзе вынесены 30 лістапада, вельмі спрэчны.

«Няма канкрэтных доказаў, што яны ўчынілі тэракт. Калі ласка, падпішыце гэта хадайніцтва і папрасіце сваіх сяброў, каб мы ўсе маглі выратаваць гэтыя жыцці», - гаворыцца ў звароце.

Пазіцыю чяброў Партыі Зялёных, якія падтрымалі кампанію, тлумачыць адзін з падпісантаў Максім Канстантынаў.

“Зялёныя і так заўсёды выступаюць  супраць практыкі смяротнага пакарання ў Беларусі, якая застаецца апошняй краінай у Еўропе, дзе  засталася такая антыгуманістычная форма пакарання. Смяротнае пакаранне гэта ў тым ліку магчымасць судовай памылкі. Тым больш у дадзеным выпадку, калі віна падазраваных на думку грамадскасці цалкам не даказаная.  Патрэбна як мінімум правядзення дататковага следства”.

За два дні пад зваротам падпісаліся каля 16 тысяч  чалавек.

Крыніца: Прэс-служба Беларуская Партыя Зялёных