На думку Зялёных прынятыя парламентам папраўкі ў Закон аб масавых мерапрыемствах не адпавядаюць сучасным уяўленням аб грамадстве.

4-га кастрынчіка Палата прадстаўнікоў прыняла папраўкі у Закон аб масавых мерапрыемствах, якія тычацца арганізацыі флешмобаў. Цяпер флешмоб – спланаваная праз інтэрнет масавая акцыя,  фактычна разглядаецца як пікет.

Як гаворыцца ў новай версіі Закону, «Да пікетавання прыраўноўваецца супольная масавая прысутнасць грамадзян у загадзя вызначаным грамадскім месцы (у тым ліку пад адкрытым небам) і ў пэўны час для здзяйснення загадзя вызначаых дзеяў, арганізаваная, у тым ліку, праз глабальнае камп’ютарнае сеціва Інтэрнэт або іншыя інфармацыйныя сеткі для публічнага выказвання сваіх грамадска-палітычных настрояў або пратэсту».

Варта дадаць, што з праекта Закона ў апошні момант выдалілі такі супярэчлівы тэрмін як «калектыўнае бездзеянне»..

Рэформу заканадаўства каментуе актывіст БПЗ Аляксей Крывалап, “Дадзеныя змены ў закон "Аб масавых мерапрыемствах" не адпавядаюць сучаснаму ўяўленню пра тое, чым з'яўляецца грамадства. Гэта у мінулым стагоддзі натоўп ці маса уяўляліся як супрацьлегласць арганізаванаму грамадству. І людскі натоўп параўноўваўся са статкам жывел.

Аднак сёння, дзякуючы новым медыя і флэшмобам, цалкам рэалістычна разважаць пра разумны натоўп (smart mob). І зробленныя змены ў закон з'яўляюцца абразлівымі і крыўднымі для беларускага грамадства. Таму што ў законе зацверджана ўспрыманне групы людзей як "неразумнага статку"/

Ды і не зусім зразумела, навошта тады было губляць час на вынаходніцтва тэрміну "калектыўнае бездзеянне"? Калі задумацца, дык людзі не могуць калектыўна "бездзейнічаць", бо калі збіраецца группа людзей, то каб яны нічого не рабілі адно гэта патрабуе ўжо пэўных дамоўленасцей, што адмыслова з'яўляецца пэўным сацыяльным дзеяннем”.

Крыніца: Прэс служба Беларускай Партыі “Зялёныя”