У панядзелак, 12 верасня, на атамным комплексе кампаніі Аріва ў французскім горадзе Маркуль адбыўся выбух, у выніку якога загінуў адзін чалавек. Кіраўніцтва станцыі практычна адразу ж заявіла, што выпадак будзе кваліфікавацца як прамысловая аварыя, а не як ядзерны інцыдэнт.

Між тым як піша паведамляе агенцтва Франс Прэс са спасылкай на прадстаўнікоў мясцовых службаў пажарнай аховы існуе рызыка ўцечкі радыяцыі.

У Францыі, дзе 80% электраэнергіі вырабляецца на АЭС, увага да падобных інцыдэнтаў надзвычайная. Мясцовыя СМІ не выключаюць новую хвалю дэбатаў наконт мэтазгоднасці выкарыстання "мірнага атама". Так, кандыдат у прэзідэнты Францыі ад Партыі Зялёных на выбарах у 2012 году Ева Жолі высунула патрабаванне на адрас ўраду падаць "поўную і празрыстую інфармацыю па дадзеных пра аварыю і небяспекі для працаўнікоў АЭС і мясцовых жыхароў.

Па просьбе Прэс - службы БПЗ сітуацыю вакол Маркуля і наступствы аварыі пракаментаваў сябра выканкаму Еўрапейскай Партыі Зяленых Аляксей Казлоў " Ну ўласна ўсё як звычайна – аб’екты АЭС небяспечныя, і ніводная, нават высокатэхналагічная краіна не можа гарантаваць бяспеку сваім грамадзянам. Была Фукусима і вось зараз Маркуль. Трэба згортваць ядзерныя праграмы як гэта зрабіла Германія. Таксама варта нагадаць, што ў Беларусі, дзе збіраюцца будаваць БелАЭС, сярод дэмакратычнай часткі грамадства чамусьці папулярны міф пра тое, што АЭС бываюць розныя – небяспечныя і кепскія, якія будуе Расея, і надзейныя і добрыя, якія будуюць заходнія фірмы кшталту Аріва.  Мармуль яшчэ раз сведчыць пра тое, што якой бы нацыянальнасці не быў падрадчык на будаўніцтвае БелАЭС, станцыя уся роўна будзе  небяспечная, сыходзячы з самой прыроды атамнай індустрыі”.

Крыніца Прэс-служба Беларускай Партыі “Зялёныя”