24 мая на офісе БПЗ адбылася чарговая сустрэча дыскусійнага клуба, створанага па ініцыятыве Беларускай партыі "Зялёныя" і рэдакцыі часопіса сацыяльнай крытыкі «ПРАСВЕТ». У рамках мерапрыемства абмяркоўвася даклад філосафа Аляксандра Апарына «Канцэпцыя біапалітыкі і яе магчымасці для левай крытыкі».
Дакладчык ў сваёй інтэрпрэтацыі біапалітыкі прапанаваў разумець пад апошняй набор сацыяльна-палітычных практык з іх спецыфічным інструментамі, якія маюць сваёй мэтай стварэнне мадэлі чалавечага жыцця ва ўсёй яе шматграннасці: пры якой чалавек разглядаецца не толькі ў якасці біялагічнай істоты, але асобы сацыяльна і палітычна актыўнай. У гэтым сэнсе, абапіраючыся, перш за ўсё, на працы М. Фуко, роўна як на іх трактоўку супольнасцю інтэлектуалаў, якія аб'ядналіся вакол французскага сеткавага часопіса «Multitudes», дакладчык паспрабаваў супрацьпаставіць сваё арыгінальнае тлумачэнне біапалітыкі ранейшаму падыходу, прынятага сярод прыхільнікаў натуралізму і пазітывісцкага віталізма.
Асаблівая ўвага была нададзеная гісторыі фарміравання біапалітычнай практыкі ў еўрапейскіх грамадствах і дзяржавах у XIX-XX стст. У сувязі з гэтым было сумесна выказана асцярога наконт таго, што, губляючы неабходнасць у захаванні высокакваліфікаваных кадраў і пераносячы вытворчасць у краіны «трэцяга свету», нацыянальны капіталізм хутка страціць цікавасць і да захавання ранейшых умоў абароны калектыўных праў на сваіх прадпрыемствах. Асабліва пры наяўнасці магчымасцяў для пазбаўленага кантролю найму імігрантаў на гэтыя прадпрыемствы.
У бліжэйшы час семінары ў рамках працы клуба працягнуца. Запрашаем усіх жадаючых ды супрацоўніцтва.