Гомельския актывісты БПЗ заклікаюць падтрымаць петыцыйную кампанію, якую праводзіць расейская секцыя арганізацыі Грынпіс.
Шматлікія беларусы добра памятаюць расійскія пажары апошніх гадоў. Яно і не дзіўнае: мала таго, што з кожным годам пагроза пераходу агню на нашу тэрыторыю рабілася ўсё ясней, так яшчэ і МНС нашай рэспубліцы актыўна брала ўдзел у лакалізацыі агменяў узгарання.
За тры гады ў Расіі дзясяткі людзей загінулі ў агні, дзясяткі тысяч — з-за абвастрэнняў ад задымлення органаў дыхання і парушэнняў сэрцава-судзіннай сістэмы, часткова ці цалкам згарэлі каля 250 вёсак і мястэчак.
Такія катастрофы заўсёды пачынаюцца з малога — з падпаленай сухой травы, непатушанага вогнішча, кінутай цыгарэты. Падпалы травы асабліва небяспечныя: травяныя пажары ахапляюць велізарныя пляцы і робяцца прычынай большасці лясных і тарфяных пажараў.
Яснай забароны на выпальванне сухой травы ў расійскім заканадаўстве няма. Праваахоўныя органы і МНС краіны-суседкі не надаюць праблеме травяных пажараў належнай увагі і нават не лічаць іх пажарамі. І без цвёрдай каманды «зверху» змагацца з імі не будуць. Таму вельмі важна, каб такая каманда была дадзена да пачатку пажаранебяспечнага сезона, да таго, як ізноў можа здарыцца бяда...
Даць такую каманду павінен Прэзідэнт Расійскай Федэрацыі. Трэба сабраць 100 тысяч подпісаў, каб ён звярнуў увагу на праблему падпалаў травы і прымусіў органы ўлады гэту праблему вырашыць. Калі ласка, падпішыце гэты зварот — дапамажыце запабегчы новую пажарную катастрофу!
Падпісацца можна тут: http://www.greenpeace.org/russia/ru/campaigns/forests/vsegorit/