8-11 лістапада ў Афінах з удзелам прадстаўнікоў БПЗ адбыўся кангрэс Еўрапейскай Партыі Зялёных
Грэцыя як месца правядзення кангрэсу Еўрапейскай Партыі Зялёных (EGP), была абрана не выпадкова. Такі чынам Зялёныя хацелі прадэманстраваць сваю салідарнасць з барацьбой грэкаў за свае сацыяльныя правы, выступіць супраць антысацыяльнага праекту грэчаскаму бюджэту, які зараз разглядае нацыянальны парламент.
“Наш мессадж просты і ўтрымлівае тры пункты. Еўрасаюз павінен даць Грэцыі як мінімум два гады на правядзенне патрэбных рэформаў. Каб аблягчыць выхад грамадстваі з крызісу дзяржаўны бюджэт Грэцыі не павінен скарачацца за кошт сацыяльных артыкулаў. Еўрасаюз павінен інвеставаць грошы вылучаныя для дапамогі Грэцыі не ў выратаванне банкаў, а ў рэальны сектар гаспадаркі”- сказаў Райнхард Бютікофер, адзн з сяброў выканкаму EGP.
Зялёныя разглядаюць вынікі цяперашніх бюджэтных дэбатаў у Грэцыі ў агульнаеўрапейскім кантэксце. “Еўропа павінна дапамагчы мільёнам еўрпейцаў, якія закранутыя крызісам, - кажа Моніка Фрассоні, су-старшыня EGP. “Людзі павінны адчуваць, што яны ёсць не аб’екты дэбатаў, а самі з’яўляюцца важнымі палітычнамі гульцамі”..
Сярод іншых тэм, якія абмяркоўваліся ў Афінах – пачатак падрыхтоўкі Еўразялёных да выбараў ў Еўрапарламент 2014- га году, вынікі якіх на думку эколагаў могуць паскорыць працэс еўрапейскай інтэграцыі, прымусіць Еўраструктуры служыць інтарэсам простых людзей.
На Кангрэсе быў абраны новы склад выканкаму Еўрапейскай Партыі Зялёных.
Дэпутаты кангрэсу таксама заклікалі еўрапейскую грамадскасць не дапусціць росту ўплыву грэчаскай правай радыкальнай арганізацыі Залаты Світанак, якая апошнім часам развязала вулічны тэрор супраць эмігрантаў і левых актывістаў.