У сувязі з тым, што службоўцы Мінаблвыканкама пачалі дэбаты наконт забароны на продаж "чарнілаў", інтэрнет - выданне "Салідарнасць" даведалася ў вядомых беларусаў, якія спосабы рашэння праблемы яны знаходзяць самымі эфектыўнымі. Сваёй думкай таксама падзяліўся намеснік старшыні БПЗ Юрый Глушакоў

Выданне піша:  Намеснік старшыні Партыі "Зялёныя" Юрый Глушакоў,які  ў свой час  на выбары 2010 г. ішоў з лозунгам - забараніць пладова-ягадныя віны, лічыць, што павінен быць уведзены цэлы комплекс мераў:

- Універсальных спосабаў няма, але можна разглядаць праблему на некалькіх узроўнях. Алкагалізм - гэта сацыяльная з'ява, таму вынятак са звароту спіртазмяшчальных прадуктаў нізкай якасці - абавязковая ўмова.

Па яго меркаванню, у продаж  трэба ўвесці якасныя вінаградныя віны - "сурагатныя віны і вінныя напоі маюць жудасныя наступствы для арганізма".

- Акрамя таго, неабходна забараніць прадаваць алкаголь уначы, - заўважыў Юрый Глушакоў.

Прэтэндэнт на пост прэзідэнта на выбарах 2010 года адзначыў таксама, што "цяпер ідзе камерцыйнае замбаванне людзей".

- Рэкламу алкаголю я б прыраўнаваў да рэкламы наркотыку. Я б без усякага шкадавання забараніў такую рэкламу. У той жа час варта падаваць больш інфармацыі пра культуру піцця. Алкаголь нельга забараняць цалкам - гэта частка нашай культуры, - падзяліўся сваім бачаннем  праблемы Юрый Глушакоў.

Прэс-служба Беларускай Партыі "Зяленыя"